ສະມັດຊາໃຫຍ່ ປສຊ ຮັບຮອງເອົາມະຕິວ່າດ້ວຍການຕ້ານການລົບລ້າງອິດສະລາມ
(VOVWORLD) - ດ້ວຍບັດສະໜັບສະໜູນ 115 ບັດ, ບໍ່ມີບັດຄ້ານ ແລະ ບັດຂາວ 44 ບັດ. ວັນທີ 15 ມີນາ ຕາມເວລາ ອາເມລິກາ, ສະມັດຊາໃຫຍ່ ສປຊ ໄດ້ຮັບຮອງເອົາມະຕິວ່າດ້ວຍມາດຕະການຕ້ານການລົບລ້າງອິດສະລາມ. ມະຕິດັ່ງກ່າວ ໄດ້ຮັບການຮັບຮອງເອົາກົງກັບວັນສາກົນຕ້ານການລົບລ້າງອິດສະລາມ.
 ການປ່ອນບັດຂອງສະມັດຊາໃຫຍ່ ສປຊ ໃນວັນທີ 15 ມີນາ (ພາບ: THX/TTXVN) |
ມະຕິດັ່ງກ່າວ, ໂດຍ ປາກິດສະຖານ ຍື່ນສະເໜີ, ແນໃສ່ກ່າວປະນາມການປຸກປັນຍຸແຍ່ຈຳແນກການປະພຶດ, ເປັນປໍລະປັກ ຫຼື ໃຊ້ຄວາມຮຸນແຮງເພື່ອຕ້ານຄືນຊາວມຸດສະລິມ, ເຊິ່ງໄດ້ສະແດງອອກຢູ່ບ່ອນວ່າ ນັບມື້ນັບມີຫຼາຍເຫດການແຕະຕ້ອງຄຳພິ Koran, ບຸກໂຈມຕີໂບດອິດສະລາມແຫ່ງຕ່າງໆ.
ມະຕິດັ່ງກ່າວ ຮຽກຮ້ອງໃຫ້ບັນດາປະເທດສະມາຊິກ ສປຊ ປະຕິບັດທຸກມາດຕະການທີ່ຈຳເປັນ ເພື່ອຕ້ານການບໍ່ຍອມຮັບສາສະໜາ, ເປັນປໍລະປັກ, ປຸກປັນຍຸແຍ່ນຳໃຊ້ອາວຸດ ແລະ ໃຊ້ຄວາມຮຸນແຮງສຳລັບຊາວມຸດສະລິມ, ພ້ອມທັງຫ້າມການຍຸແຍ່ນຳໃຊ້ອາວຸດ ແລະ ການໃຊ້ຄວາມຮຸນແຮງສຳລັບຄົນ ມະນຸດຍ້ອນເຫດຜົນກ່ຽວຂ້ອງເຖິງສາສະໜາ ຫຼື ການເຫຼື້ອມໃສເຊື່ອຖືຂອງເຂົາເຈົ້າ.