ສະມາຄົມວິສາຫະກິດຫວຽດນາມຢູ່ເຢຍລະມັນ ສະຫລຸບການເຄື່ອນໄຫວ ກາງສະໄໝ
(ພາບ: http://thegioi.baotintuc.vn)
(vovworld)– ວັນທີ 21/12, ຢູ່ແບກແລງ, ສະມາຄົມວິສາຫະກິດຫວຽດນາມຢູ່ສ.ເຢຍລະມັນ ໄດ້ຈັດກອງປະຊຸມກາງສະໄໝ ເພື່ອແນໃສ່ສະຫລຸບບັນດາການເຄື່ອນໄຫວ, ສ້າງກົດລະບຽບເປັນສົມບູນແບບ, ຮັບສະມາຊິກໃໝ່ ກໍ່ຄືຮັບຮອງເອົາທິດທາງການເຄື່ອນໄຫວໃນໄລຍະຈະມາເຖິງ. ບົດລາຍງານສະຫລຸບບັນດາການເຄື່ອນໄຫວຂອງສະມາຄົມໃນໄລຍະ 2013-2014 ໄດ້ຍົກອອກບັນດາວຽກງານທີ່ສາມາດ ເຮັດໄດ້ຄື: ຈັດເວທີປາໄສວິສາຫະກິດຫວຽດນາມ-ເຢັຍລະມັນປະສົບຜົນສຳເລັດ ໂດຍມີການເຂົ້າຮ່ວມຂອງ 60 ວິສາຫະກິດໃຫ່ຍຢູ່ເຢຍລະມັນ ແລະ ມາຈາກຫວຽດນາມ; ຈັດສົ່ງຄະນະຜູ້ແທນກັບເມືອປະເທດໄປຢ້ຽມເຂດໝູ່ເກາະເຈື່ອງຊາ, ມອບຂອງຂວັນໃຫ້ບັນດານັກຮົບຢູ່ເຂດທະເລໝູ່ເກາະ; ສົມທົບກັບສະຖານທູດຫວຽດນາມ ປະຈຳເຢຍລະມັນ ແລະ ສະມາຄົມທັງລອງຈັດວັນບຸນວັດທະນະທຳຫວຽດນາມ ຢູ່ເກາະມິດຕະພາບ Potsdam ສຳເລັດຜົນ. ໃນໄລຍະຈະມາເຖິງ, ສະມາຄົມຈະສືບຕໍ່ຮັກສາ, ເສີມຂະຫຍາຍບັນດາການເຄື່ອນໄຫວທີ່ໄດ້ປະຕິບັດໃນລໄຍະຜ່ານມາ./.