(vovworld) - ວັນທີ 19/06, ຂະຫຼວງໃຫຍ່ສະຫະປະຊາຊາດກ່ຽວກັບຊາວຫຼົບໄພ (UNHCR) ໄດ້ຈັດ “ວັນຫຼົບໄພໂລກ” ຢູ່ຊີຣີ, ເຊິ່ງແມ່ນແຫ່ງທີ່ມີປະຊາຊົນນັບລ້ານໆຄົນໄດ້ຍ້າຍອອກຈາກເຮືອນຊານໄປຫຼົບໄພ ໃນສົງຄາມເສິກກາງເມືອງທີ່ແກ່ຍາວເປັນເວລາ 5 ປີຜ່ານມາ. ກ່າວຄຳເຫັນກັບສື່ມວນຊົນຢູ່ນະຄອນຫຼວງ Damascus, ຂອງຊີຣີ, ຜູ້ຕາງໜ້າ UNHCR ທ່ານ Sajjad Malik ເນັ້ນໜັກວ່າ, “ວັນຫຼົບໄພໂລກ” ໄດ້ຮັບການຈັດຕັ້ງດ້ວຍການເຄື່ອນໄຫວຫຼາຍຢ່າງ ເພື່ອແນໃສ່ຍົກສູງຄວາມຮັບຮູ້ຂອງປະຊາຄົມກ່ຽວກັບຊາວຫຼົບໄພ ແລະ ຊາວອົບພະຍົບ, ພ້ອມທັງເນັ້ນໜັກເຖິງສານທີ່ວ່າ ຊາວຫຼົບໄພກໍຕ້ອງມີເງື່ອນໄຂດຳລົງຊີວິດຄືກັບຄົນທຳມະດາ. ຕາມ UNHCR ແລ້ວ, ຊີຣີ ພວມປະເຊີນໜ້າກັບວິກິດການມະນຸດສະທຳທີ່ຮ້າຍແຮງທີ່ສຸດນັບແຕ່ສົງຄາມໂລກຄັ້ງທີ 2, ອັນໄດ້ເຮັດໃຫ້ປະຊາຊົນ 5,6 ລ້ານຄົນຂອງປະເທດນີ້ຕ້ອງອົບພະຍົບເຖິງເຂດອື່ນໆພາຍໃນປະເທດ ແລະ 4,8 ລ້ານຄົນຕ້ອງໄປຫຼົບໄພ.