(vovworld) - ເຈົ້າໜ້າທີ່ອາເມລິກາທ່ານໜຶ່ງຖະແຫຼງວ່າ ສະພາຄວາມໝັ້ນຄົງສະຫະປະຊາຊາດ ຈະປະກາດມະຕິສະບັບໜຶ່ງກ່ຽວກັບແຜນການຂອງອີຣານ ປະຕິບັດຂໍ້ຕົກລົງນິວເຄຼຍ ທີ່ຫາກໍບັນລຸໄດ້ກັບກຸ່ມ P5+1 (ເຊິ່ງລວມມີ ອາເມລິກາ, ລັດເຊຍ, ຈີນ, ຝລັ່ງ, ອັງກິດ ແລະ ເຢຍລະມັນ). ມະຕິດັ່ງກ່າວອາດຈະຖືກຍົກອອກມາໃນໄວ້ໆຄືອາທິດຈະມາເຖິງ. ເຈົ້າໜ້າທີ່ໂດຍບໍ່ເຜີຍຊື່ໃຫ້ຮູ້ວ່າ, ມະຕິນີ້ໂດຍອາເມລິກາ ຮຽບຮຽງ ແລະ ປະຈຸບັນໄດ້ຮັບການສະໜັບສະໜູນຈາກບັນດາປະເທດສະມາຊິກມີສິດຢັບຢັ້ງຢູ່ສະຫະປະຊາຊາດ, ເຊິ່ງເຄີຍເຂົ້າຮ່ວມວິວັດການເຈລະຈາດ້ານນິວເຄຼຍກັບອີຣານ. ມະຕິຈະອະນຸຍາດຈັດວາງການລົງໂທດດ້ານເສດຖະກິດ ຖ້າຫາກອີຣານ ບໍ່ປະຕິບັດບັນດາຄຳໝັ້ນສັນຍາໃນຂໍ້ຕົກລົງ, ຄາດວ່າ, ອາດຈະບໍ່ເຕື້ອງເຖິງມາດຕະການດ້ານການທະຫານ.