ພາບປະກອບ: internet
|
(vovworld)- ວັນທີ 6/9, ສະຫະສະມາຄົມປາຈາຫວຽດນາມ ໄດ້ປະກາດຢ່າງເປັນທາງການຄັດຄ້ານໝາກຜົນຈັດວາງອັດຕາພາສີຕ້ານການຂາຍບຸບລາຄາຂອງລັດຖະບານ ອາເມລິກາ ສຳລັບຜະລິດຕະພັນປາຈາຫວຽດນາມທີ່ສົ່ງໄປຂາຍຢູ່ຕະຫລາດອາເມລິກາ. ສະຫະສະມາຄົມປາຈາ ຫວຽດນາມ ສະເຫນີ: ກະຊວງການຄ້າອາເມລິກາ, ຄະນະກຳມະການສືບສວນຕ້ານການຂາຍບຸບລາຄາຜະລິດຕະພັນປາຈາເຂົ້າຕະຫລາດອາເມລິກາ ແລະ ສະພາແຫ່ງຊາດ ອາເມລິກາ ຈົ່ງພິຈາລະນາຄືນອັດຕາພາສີຕ້ານການຂາຍບຸບລາຄາສຳລັບບັນດາຜະລິດຕະພັນປາຈາຫວຽດນາມ ແລະ ພິຈາລະນາເລື່ອງນຳໃຂ້ ປະເທດບັງກະລາເທດ ເປັນປະເທດປ່ຽນແທນເພື່ອຄິດໄລ່ລະດັບຂາຍບຸບລາຄາ ແລະ ອັດຕາພາສີຕ້ານການຂາຍບຸບລາຄາແທນໃຫ້ປະເທດອິນໂດເນເຊຍ. ໃນຫລາຍປີຜ່ານມາ ຜະລິດຕະພັນປາຈາຂອງຫວຽດນາມ ຖືກຈັດວາງອັດຕາພາສີຕ້ານການຂາຍບຸບລາຄາເຂົ້າຕະຫລາດອາເມລິກາ ນັບມື້ນັບສູງ, ສິ່ງດັ່ງກ່າວໄດ້ສົ່ງຜົນສະທ້ອນເຖິງຊີວິດການເປັນຢູ່ຂອງແຮງງານທັງໝົດໃນຂະແຫນງລ້ຽງປູກ, ປຸງແຕ່ງ ແລະ ສົ່ງອອກປາຈາ ຫວຽດນາມ, ຜົນສະທ້ອນເຖິງການຈຳຫນ່າຍປາຈາຂອງຫວຽດນາມ ຢູ່ ຕະຫລາດອາເມລິກາ ພ້ອມທັງໄປຝືນກັບທ່າອ່ຽງການຮ່ວມມືຮອບດ້ານຫວຽດນາມ - ອາເມລິກາ ຊື່ງລັດຖະບານສອງປະເທດ ຫວຽດນາມ ແລະ ອາເມລິກາ ພວມມານະພະຍາຍາມປະຕິບັດ.