(vovworld) - ເນື່ອງໃນໂອກາດສະເຫຼີມສະຫຼອງ 52 ປີແຫ່ງວັນເພື່ອຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນ ຫວຽດນາມ (10 ສິງຫາ 1961 – 10 ສິງຫາ 2013) ໄດ້ມີການເຄື່ອນໄຫວຫຼາຍຢ່າງທີ່ມີຄວາມໝາຍພວມດຳເນີນໄປໃນທົ່ວປະເທດ. ວັນທີ 08 ສິງຫາ, ສະມາຄົມຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນ ນະຄອນດ່ານັ້ງ ໄດ້ສົມທົບກັບບັນດາອົງການກູ້ສົນ ໄປຢ້ຽມຢາມ ແລະ ມອບຂອງຂວັນ 300 ພູດ, ດ້ວຍຍອດມູນຄ່າກວ່າ 100 ລ້ານດົງ ໃຫ້ແກ້ບັນດາຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນທີ່ປະສົບກັບຄວາມຫຍຸ້ງຍາກໃນບໍລິເວັນແຂວງ. ສະມາຄົມຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນ ນະຄອນ ຍັງມອບລົດຖີບ 7 ຄັນໃຫ້ແກ່ບັນດາຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນ ແລະ ທ່າອາກາດດ່ານັ້ງ ຮັບລ້ຽງດູຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນ 40 ຄົນຕະຫຼວດຊີວິດ. ເນື່ອງໃນໂອາກດນີ້, ສະມາຄົມຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນແຂວງກວາງຈິ້ ໄດ້ມອບຂອງຂວັນ 500 ພູດ, ແຕ່ລະພູດມີມຸນຄ່າ 300.000 ດົງໃຫ້ແກ່ຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນຢູ່ບັນດາເມືອງ, ເທດສະບານເມືອງ, ນະຄອນພາຍໃນແຂວງ. ສະມາຄົມກໍ່ໜູນຊ່ວຍມອບເຮືອນແຫ່ງສາຍຈິດມິດໃຈ 3 ຫຼັງ, ແຕ່ລະຫຼັງມີມູນຄ່າ 50 ລ້ານດົງ; ໜູນຊ່ວຍທຶນເພື່ອຜະລິດດຳເນີນທຸລະກິດໃຫ້ແກ່ 20 ຄອບຄົວທີ່ມີຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນ, ແຕ່ລະຄອບຄົວ 1,5 ລ້ານດົງ ເພື່ອພັດທະນາເສດຖະກິດ.
ຕອນເຊົ້າວັນດຽວກັນ, ສະມາຄົມຜູ້ປະສົມເຄາະຮ້າຍຈາກທາດພິດສີສົ້ມນະຄອນ ຮ່າໂນ້ຍ ກໍໄດ້ຈັດພິທີສະເຫລີມສະຫລອງເຫດການດັ່ງກ່າວ. ນີ້ແມ່ນການເຄື່ອນໄຫວອາໄລຫາບັນດາຜູ້ປະສົບເຄາະຮ້າຍຈາດທາດພິສີສົ້ມດີໂອຊີນທີ່ໄດ້ເສຍຊີວິດແລ້ວ, ພ້ອມທັງຍ້ອງຍໍສັນລະເສີນບັນດາຜູ້ປະສົບເຄາະຮ້າຍຈາກທາດພິດສີສົ້ມໄດ້ບືນຕົວຂຶ້ນໃນຊີວິດ ແລະ ສະແດງຄວາມຮຸ້ບຸນຄຸນບັນດາອົງການ, ສ່ວນບຸກຄົນທີ່ໄດ້ໃຫ້ການຊ່ວຍເຫລືອຜູ້ປະສົບເຄາະຮ້າຍໃນໄລຍະຜ່ານມາ