ທ່ານເອກອັກຄະລັດຖະທູດ ຫວຽດນາມ ປະຈຳ ປາກິດສະຖານ ຟ້າມແອັງຕວັນ ກ່າວຄຳເຫັນທີ່ພິທີ (ພາບ: VOV)

ເຂົ້າຮ່ວມພິທີມີແຂກຖືກເຊີນເກືອບ 200 ທ່ານ ເຊິ່ງເປັນຜູ້ຕາງໜ້າກະຊວງການຕ່າງປະເທດ ປາກິດສະຖານ, ຜູ້ຕາງໜ້າກະຊວງ, ຂະແໜງການຢູ່ປະເທດປະຈຳຖິ່ນຈຳນວນໜຶ່ງ, ທ່ານເອກອັກຄະລັດຖະທູດ, ທຸຕານຸທູດບັນດາປະເທດ ແລະ ອົງການຈັດຕັ້ງສາກົນ ພ້ອມດ້ວຍໝູ່ເພື່ອນ, ວິສາຫະກິດ ຫວຽດນາມ ແລະ ປາກິດສະຖານ.

  ກ່າວຄຳເຫັນທີ່ພິທີສະເຫຼີມສະຫຼອງ,  ທ່ານ ຟ້າມແອັງຕວັນ ເອກອັກຄະລັດຖະທູດ ຫວຽດນາມ  ປະຈຳ ປາກິດສະຖານ ໄດ້ຫວນຄືນບັນດາຜົນງານອັນໃຫຍ່ຫຼວງ ເຊິ່ງ ຫວຽດນາມ ບັນລຸໄດ້ໃນຂະບວນວິວັດປົກປັກຮັກສາ, ສ້າງສາ ແລະ ພັດທະນາປະເທດຊາດ; ພ້ອມທັງຢັ້ງຢືນວ່າ ຫວຽດນາມ ສືບຕໍ່ປະຕິບັດແນວທາງການຕ່າງປະເທດເອກະລາດ, ເປັນເຈົ້າຕົນເອງ, ສັນຕິພາບ, ຮ່ວມມື ແລະ ພັດທະນາ, ຫັນເປັນຫຼາຍຮູບຫຼາຍແບບ ແລະ ຫຼາຍຝ່າຍ; ຕັ້ງໜ້າ, ເປັນເຈົ້າການເຊື່ອມໂຍງເຂົ້າກັບສາກົນ, ປະກອບສ່ວນເຂົ້າໃຈການສ້າງສັນຕິພາບ, ສະຖຽນລະພາບ ແລະ ວັດທະນາຖາວອນລວມຂອງພາກພື້ນ ກໍຄືໃນໂລກ. ປັດຈຸບັນ, ຫວຽດນາມ ໄດ້ກາຍເປັນປະເທດທີ່ຂະຫຍັນຂັນເຄື່ອນ, ມີກຳລັງບົ່ມຊ້ອນພັດທະນາ ແລະ ເປັນຄູ່ຮ່ວມມືທີ່ໄວ້ເນື້ອເຊື່ອໃຈຂອງປະຊາຄົມສາກົນ.

ຟານຕຸ່ງ - ນັກຂ່າວ VOV ປະຈຳ New Delhi