(vovworld) - ກອງປະຊຸມລັດຖະມົນຕີຄົມມະນາຄົມຂົນສົ່ງອາຊຽນ ຄັ້ງທີ 18 (ATMM 18), ຖືກດຳເນີນໃນລະຫວ່າງວັນທີ 29 – 30/11 ຢູ່ບາລີ, ປະເທດອິນໂດເນເຊຍ, ສຸມໃສ່ປຶກສາຫາລື ແລະ ສ້າງບັນດາເປົ້າໝາຍໃຫ້ລາຍການເຊື່ອມຕໍ່ອາຊຽນປີ 2015. ATMM 18 ໄດ້ອອກຖະແຫຼງການຮ່ວມ, ໃນນັ້ນຊີ້ແຈ້ງວ່າ ບັນດາລັດຖະມົນຕີຄົມມະນາຄົມຂົນສົ່ງ ອາຊຽນ ຢືນຢັນຄຳໝັ້ນສັນຍາປະຕິບັດຢ່າງທັນການ ແລະ ມີປະສິດທິຜົນບັນດາມາດຕະການ, ຂໍ້ລິເລີ່ມເພີ່ອປະຊາຄົມອາຊຽນ ເພີ່ມທະວີການເຊື່ອມຕໍ່ທາງຄົມມະນາຄົມຂົນສົ່ງ ຄືດັ່ງໄດ້ກຳນົດໃນແຜນການລະອຽດຂອງປະຊາຄົມເສດຖະກິດອາຊຽນ (AEC), ແຜນການສັງລວມກ່ຽວກັບການເຊື່ອມຕໍ່ອາຊຽນ (MPAC), ແຜນການເຄື່ອນໄຫວ ບຣຸໄນ (BAP), ແຜນການຂົນສົ່ງຍຸດທະສາດອາຊຽນ (ASTP) ໄລຍະ 2011 – 2015. ຖະແຫຼງການຮ່ວມໃຫ້ຮູ້ວ່າ ບັນດາລັດຖະມົນຕີກະຊວງຄົມມະນາຄົມອາຊຽນ ໄດ້ພິຈາລະນາ ແລະ ຮັບຮອງເອົາແຜນການສ້າງຕະຫຼາດການບິນທີ່ເປັນເອກະພາບອາຊຽນ (ASAM); ເຫັນດີກັບຂໍ້ສະເໜີສ້າງພື້ນຖານ ສະສົມຂໍ້ມູນຂ່າວສານກ່ຽວກັບການເຄື່ອນໄຫວ ແລະ ສ້າງແຜນການໃຫ້ແກ່ລະບົບບັນຊາການບິນໃນອາຊຽນ; ມຸ່ງໄປເຖິງການສ້າງສຳເລັດສັນຍາແມ່ກ່ຽວກັບຄົມມະນາຄົມຂົນສົ່ງຜ່ານດ່ານຊາຍແດນສຳຫຼັບຜູ້ໂດຍສານ (CBTP).