(vovworld) – ທ່ານເລຂາທິການໃຫຍ່ຄະນະບໍລິຫານງານສູນກາງພັກ ກອມມູນິດ ຫວຽດນາມ ຫງວຽນຟູ໋ຈ້ອງ, ຫົວໜ້າຄະນະຊີ້ນຳສູນກາງກ່ຽວກັບການປ້ອງກັນ, ຕ້ານການສໍ້ລາດບັງຫຼວງ ຫາກໍ່ເຊັນຂໍ້ຕົກລົງສ້າງຕັ້ງ 7 ຄະນະປະຕິບັດງານກວດກາ, ຕິດຕາມກວດກາການກວດກາ, ການສືບສວນສອບສວນ, ການຕິດຕາມກວດກາ, ການສັ່ງຟ້ອງ ແລະ ພິພາກສາບັນດາຄະດີສໍ້ລາດບັງຫຼວງທີ່ຮ້າຍແຮງ, ສັບສົນ ໄດ້ຮັບຄວາມສົນໃຈຈາກຫາງສຽງ. ກ່ອນໜ້ານັ້ນ, ຄະນະຊີ້ນຳສູນກາງກ່ຽວກັບການປ້ອງກັນ, ຕ້ານການສໍ້ລາດບັງຫຼວງ ກໍ່ໄດ້ປະກາດໃຊ້ແຜນການກ່ຽວກັບການກວດກາ, ຕິດຕາມກວດກາເລື່ອງກວດກາການສືບສວນສອບສວນ, ການຕິດຕາມກວດກາ, ການສັ່ງຟ້ອງ ແລະ ພິພາກສາບັນດາຄະດີສໍ້ລາດບັງຫຼວງທີ່ຮ້າຍແຮງ, ສັບສົນ. ຜ່ານວຽກງານກວດກາ, ຕິດຕາມກວດກາເພື່ອຄົ້ນພົບສິ່ງຈຳກັດ, ຄວາມອ່ອນດ້ອຍໃນການເຄື່ອນໄຫວກວດກາເຫດການຄົ້ນພົບ, ສືບສວນສອບສວນ, ຕິດຕາມກວດກາ, ການສັ່ງຟ້ອງ ແລະ ພິພາກສາບັນດາຄະດີຂອງບັນດາອົງການທີ່ກ່ຽວຂ້ອງ. ຜ່ານນັ້ນ, ປັບປຸງບັນດາຂໍ້ຈຳກັດ, ຄວາມອ່ອນດ້ອຍໃນວຽກງານຕໍ່ສູ້ຕ້ານສໍ້ລາດບັງຫຼວງຄືປະຈຸບັນ, ປັບປຸງຄວາມໄວ້ເນື້ອເຊື່ອໃຈຂອງປະຊາຊົນທີ່ມີຕໍ່ພັກ ແລະ ລັດ. ຕາມແຜນການແລ້ວ, ໄລຍະປະຕິບັດການກວດກາ, ຕິດຕາມກວດກາແຕ່ວັນທີ 15/8 ຮອດວັນທີ 30/9. ໝາກຜົນຂອງການກວດກາ, ຕິດຕາມກວດກາຈະໄດ້ລວບລວມ ແລະ ຍື່ນສະເໜີຕໍ່ກົມການເມືອງກ່ອນວັນທີ 30/11/2013.