ສ້າງນະຄອນໂຮ່ຈີມິນ ກາຍເປັນສູນສາທາລະນະສຸກຂອງພາກພື້ນ
(VOVWORLD) - ຕອນຄ່ຳວັນທີ 01 ຕຸລາ, ທີ່ນະຄອນ ໂຮ່ຈີມິນ ໄດ້ດຳເນີນກອງປະຊຸມພົບປະເຈລະຈາດ້ານສາທາລະນະສຸກນະຄອນ ໂຮ່ຈີມິນ ແລະ ອາເມລິກາ ດ້ວຍຫົວຂໍ້ວ່າ “ປະຕິບັດວິໄສທັດເພື່ອສ້າງນະຄອນ ໂຮ່ຈີມິນ ກາຍເປັນສູນສາທາລະນະສຸກຂອງພາກພື້ນ”.
 ກອງປະຊຸມພົບປະເຈລະຈາດ້ານສາທາລະນະສຸກນະຄອນ ໂຮ່ຈີມິນ ແລະ ອາເມລິກາ (ພາບ: TTXVN) |
ນີ້ແມ່ນໂອກາດເພື່ອໃຫ້ການນຳຂະແໜງສາທາລະນະສຸກ ຫວຽດນາມ, ນະຄອນ ໂຮ່ຈີມິນ, ບັນດາວິສາຫະກິດ ອາເມລິກາ ແລະ ຫວຽດນາມ ແລກປ່ຽນ, ປຶກສາຫາລື, ຍົກອອກມາດຕະການຊຸກຍູ້ການຮ່ວມມືລະຫວ່າງນະຄອນ ໂຮ່ຈີມິນ ແລະ ອາເມລິກາ ໃນຂົງເຂດສາທາລະນະສຸກກ່ວາອີກ ເພື່ອຮັບໃຊ້ປະຊາຊົນຢູ່ພາຍໃນປະເທດ ແລະ ພາກພື້ນ ອາຊຽນ.
ທີ່ກອງປະຊຸມພົບປະເຈລະຈາ, ວິສາຫະກິດ ອາເມລິກາ ຫລາຍແຫ່ງໄດ້ສະແດງຄວາມປາດຖະໜາຢາກສືບຕໍ່ຮ່ວມມື. ພ້ອມທັງຢືນຢັນທ່າແຮງຂອງບັນດານັກລົງທຶນ ອາເມລິກາ ແມ່ນພັດທະນາພື້ນຖານໂຄງລ່າງ; ຍົກສູງຄຸນນະພາບ, ປະສິດທິຜົນໃນເຕັກນິກການບົ່ງມະຕິ, ປິ່ນປົວພະຍາດ; ເສີມຂະຫຍາຍຄຸນປະໂຫຍດ, ນະໂຍບາຍປະກັນໄພສຸຂະພາບ ເພື່ອຮັບໃຊ້ປະຊາຊົນຢູ່ພາຍໃນປະເທດ ແລະ ສາກົນ…
ເນື່ອງໃນໂອກາດນີ້, ສະຫະສະມາຄົມການຄ້າ ອາເມລິກາ ປະຈຳ ນະຄອນ ໂຮ່ຈີມິນ ໄດ້ເປີດຕົວປຶ້ມປົກຂາວກ່ຽວກັບສາທາລະນະສຸກ.