ສ້າງສຳເນົາເອກະສານ 2 ມໍລະດົກວັດທະນະທຳດີເດັ່ນ ຍື່ນສະເໜີຕໍ່ UNESCO
(VOVWORLD) -ວັນທີ 20 ຕຸລາ ປີ 2021, ຫ້ອງວ່າການລັດຖະບານ ໄດ້ປະກາດໃຊ້ເອກະສານ ຄັດສະເໜີຄຳເຫັນຂອງ ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ ກ່ຽວກັບການສ້າງ ເອກະສານມໍລະດົກວັດທະນະທຳທີ່ບໍ່ເປັນວັດຖຸ ຂອງ ຫວຽດນາມ ເພື່ອຍື່ນສະເໜີຕໍ່ UNESCO.
 ສິລະປະຂັບແຈ່ວ (ພາບ: TTXVN) |
ລະອຽດແມ່ນ, ທ່ານຮອງນາຍົກລັດຖະມົນຕີ ເຫັນດີ ໃຫ້ກະຊວງວັດທະນະທຳ, ກິລາ ແລະ ທ່ອງທ່ຽວ ເປັນເຈົ້າພາບ, ສົມທົບກັບກະຊວງ, ຂະແໜງການ, ທ້ອງຖິ່ນທີ່ກ່ຽວຂ້ອງ ສ້າງເອກະສານໃຫ້ 2 ມໍລະດົກວັດທະນະທຳທີ່ບໍ່ເປັນວັດຖຸ ນັ້ນແມ່ນ: ສິລະປະຂັບແຈ່ວ ເຂດທົ່ງພຽງແມ່ນ້ຳແດງ ແລະ ມວຍພື້ນເມືອງ ບິ່ງດິ້ງ, ຍື່ນສະເໜີຕໍ່ນາຍົກລັດຖະມົນຕີ ອະນຸຍາດ ໃຫ້ ຍື່ນສະເໜີຕໍ່ UNESCO ເພື່ອຮັບຮອງເປັນ ມໍລະດົກວັດທະນະທຳໂລກ.