(vovworld) – ວັນທີ 19/01, ອົງການບໍລິຫານຕະຫຼາດຫຼັກຊັບສ.ເກົາຫຼີ (KRX), ໃຫ້ຮູ້ວ່າ, ໄດ້ສ້າງຕັ້ງກຸ່ມເຮັດວຽກລວມມີບັນດານັກຊ່ຽວຊານດ້ານການເງິນ ແລະ ນິຕິກຳ ດ້ວຍໜ້າທີ່ດຶງດູດບັນດາບໍລິສັດໃຫຍ່ຂອງຫວຽດນາມ ຈົດທະບຽນກັບ KRX ໃນໄລຍະຈະມາເຖິງ. ກຸ່ມເຮັດວຽກກຸ່ມໜຶ່ງທີ່ຄ້າຍຄືກັນກໍໄດ້ຮັບການສ້າງຕັ້ງຂຶ້ນເພື່ອມຸ່ງໄປເຖິງບັນດາບໍລິສັດໃຫຍ່ຂອງອິນໂດເນເຊຍ. ແຕ່ລະກຸ່ມເຮັດວຽກຈະຮັບຜິດຊອບໜ້າທີ່ຮຽບຮຽງແຜນການປະຕິບັດງານ, ຈັດຕັ້ງການແນະນຳ ແລະ ສະໜອງການບໍລິການໃຫ້ຄຳປຶກສາແກ່ບັນດາບໍລິສັດທີ່ມີຄວາມສາມາດບົ່ມຊ້ອນ. ໃນຕໍ່ໜ້າ, ບັນດາກຸ່ມດັ່ງກ່າວຈະສຸມໃສ່ດຶງດູດບັນດາບໍລິສັດທີ່ມີເງິນລົງທຶນຈາກຕ່າງປະເທດທີ່ດຳເນີນທຸລະກິດບັນລຸຜົນສຳເລັດຢູ່ຫວຽດນາມ ແລະ ອິນໂດເນຍເຊຍ, ຫຼັງຈາກນັ້ນຈະຂະຫຍາຍອອກສູ່ບັນດາບໍລິສັດອື່ນໆ. KRX ໃຫ້ຂໍ້ສັງເກດວ່າ, ຫວຽດນາມ ແລະ ອິນໂດເນເຊຍ ແມ່ນ 2 ຕະຫຼາດໃຫຍ່ທີສຸດຢູ່ພາກພື້ນອາຊີຕາເວັນອອກສ່ຽງໃຕ້ ດ້ວຍລະດັບເຕີບໂຕດ້ານເສດຖະກິດເປັນປົກກະຕິ ແລະ ມີບໍລິສັດໃຫຍ່ຫຼາຍແຫ່ງອາດສາມາດດຳເນີນການຈົດທະບຽນໃນຕະຫຼາດຫຼັກຊັບສ.ເກົາຫຼ ໄດ້ີ, ຜ່ານນັ້ນຍົກສູງທີ່ຕັ້ງບົດບາດຂອງ KRX ບົນເວທີການເງິນສາກົນ.