(vovworld) – ທີ່ການເຈລະຈາດ້ານປ້ອງກັນປະເທດ 2 ຝ່າຍປະຈຳປີຄັ້ງທີ 3 ພວມຖືກຈັດຂຶ້ນຢູ່ ເຊີອູນ ເມື່ອວັນທີ 28/11, ສ ເກົາຫຼີ ຮຽກຮ້ອງໃຫ້ ຈີນ ປັບປຸງຖະແຫຼງການປະກາດເມື່ອວັນທີ 23/11 ກ່ຽວກັບເລື່ອງສ້າງຕັ້ງເຂດປ້ອງກັນອາກາດ (ADIZ) ໃນທະເລຮວາຕູງທີ່ກໍ່ຄວາມເຄັ່ງຕຶງໃນພາກພື້ນ. ທ່ານຮອງລັດຖະມົນຕີປ້ອງກັນປະເທດ ສ ເກົາຫຼີ Baek Seung Joo ເນັ້ນໜັກວ່າ: ເຊີອູນ “ບໍ່ສາມາດຮັບຮູ້” ADIZ ຂອງຈີນໄດ້, ພ້ອມທັງສະແດງຄວາມວິຕົກວັງວົນການກະທຳດັ່ງກ່າວຂອງ ປັກກິ່ງ ຈະເຮັດໃຫ້ຄວາມເຄັ່ງຕຶງດ້ານການທະຫານໃນພາກພື້ນເພີ່ມຂຶ້ນ. ສ ເກົາຫຼີ ສະເໜີໃຫ້ ຈີນ ປັບປຸງບັນດາຂອບເຂດເຊິ່ງ ADIZ ຫາກໍ່ປະກາດ, ພິເສດແມ່ນເຂດຊ້ຳຊ້ອນ ADIZ ຂອງ ສ ເກົາຫຼີ, ພ້ອມທັງກ່າວເຕືອນຈະຄິດໄລ່ຊັ່ງຊາເຖິງການເປີດກ້ວາງ ADIZ ຂອງ ສ ເກົາຫຼີ. ເຖິງຢ່າງໃດກໍ່ຕາມ, ຈີນ ຄັດຄ້ານຂໍ້ສະເໜີຂອງ ສ ເກົາຫຼີ. ກ່ອນໜ້ານັ້ນ, ຍີ່ປຸ່ນ, ສ ເກົາຫຼີ ແລະ ອາເມລິກາ ລ້ວນແຕ່ອອກສຽງຄັດຄ້ານຖະແຫຼງການຂອງ ຈີນ, ຕາມນັ້ນແລ້ວ, ເຮືອບິນທຸກໆລຳໄປຜ່ານເຂດ ADIZ ດັ່ງກ່າວຕ້ອງປະກາດກ່ອນ ຖ້າຫາກບໍ່ປະຕິບັດຄືດັ່ງກ່າວຈະນຳໃຊ້ບັນດາມາດຕະການດ້ານທະຫານຢ່າງຮີບດ່ວນ.