(vovworld) – ຕອນ​ບ່າຍ​ວັນ​ທີ 14/5, ທີ່​ການ​ຕ້ອນ​ຮັບ​ທ່ານ​ລັດ​ຖະ​ມົນ​ຕີ​ກະ​ຊວງ​ອຸດ​ສາ​ຫະ​ກຳ-ການ​ຄ້າ ສ.ເຊັກ Jan Mládek ທີ່​ພວມ​ຢ້ຽມ​ຢາມ ແລະ ເຮັດ​ວຽກ​ຢູ່ ຫວຽດ​ນາມ, ທ່ານ​ນາງ​ຮອງ​ປະ​ທານ​ຄະ​ນະ​ກຳ​ມະ​ການ​ປະ​ຊາ​ຊົນ​ນະ​ຄອນ ໂຮ່​ຈີ໋​ມິນ ຫງວຽນ​ທິ​ຮົ່ງ ຖື​ວ່າ ຫວຽດ​ນາມ ແລະ ສ.ເຊັກ ຄວນ​ສືບ​ຕໍ່​ຊຸກ​ຍູ້​ເປີດກວ້າງ​ການ​ຮ່ວມ​ມື​ໃນຫຼາຍ​ຂົງ​ເຂດ. ໃນ​ສະ​ພາບ​ການນັ້ນ, ນະ​ຄອນ ໂຮ່​ຈີ໋​ມິນ ປາດ​ຖະ​ໜາ​ວ່າຈະ​ມີ​ວິ​ສາ​ຫະ​ກິດ ສ.ເຊັກ ຫຼາຍ​ແຫ່ງ​ມາ​ຊອກ​ຮູ້​ເພື່ອ​ຮ່ວ​ມ​ມື​ລົງ​ທຶນ​.

      ຕາມ​ທ່ານລັດ​ຖະ​ມົນ​ຕີ​ກະ​ຊວງ​ອຸດ​ສາ​ຫະ​ກຳ-ການ​ຄ້າ ສ.ເຊັກ Jan Mládek ແລ້ວ, ນະ​ຄອນ ໂຮ່​ຈີ໋​ມິນ ແລະ ບັນ​ດາ​ແຂວງ​ຢູ່​ທາງ​ທິດ​ໃຕ້​ມີ​ສະ​ພາບ​ແວດ​ລ້ອມໃນການ​ດຳ​ເນີນ​ທຸ​ລະ​ກິ​ດ​ດີ ແລະ ດູດດື່ມ. ສ.ເຊັກ ກຽມ​ພ້ອມ​ໜູນ​ຊ່ວຍ​ກໍ່​ຄື​​ລົງ​ທຶນ​ເຂົ້າ​ນະ​ຄອນ​ໃນ​ຂົງ​ເຂດຕ່າງໆ​ຄື: ກໍ່​ສ້າງ​ລະ​ບົບພື້ນ​ຖານໂຄງລ່າງ​ຄົມ​ມະ​ນະ​ຄົມ, ພະ​ລັງ​ງານ, ຂຸດ​ຄົ້ນ​​​ແຮ່​ທາດ, ກະ​ສິ​ກຳ, ສາ​ທາ​ລະ​ນະ​ສຸກ ແລະ ການ​ເງິນ​ - ທະ​ນາ​ຄານ….

     ປັດ​ຈຸ​ບັນ​ນີ້, ຢູ່​ນະ​ຄອນ ໂຮ່​ຈີ໋​ມິນ​ມີ 6 ໂຄງ​ການ​ຂອງ​ບັນ​ດາ​ນັກ​ລົງ​ທຶນ ສ.ເຊັກ ດ້ວຍ​​ຍອດ​ຈຳ​ນວນ​ທຶນກວ່າ 6 ລ້ານ USD.