ຫວຽດນາມຈະປະ ກອບເຂົ້າສານໃຫ້ແກ່ ກອງທຶນສະສົມເຂົ້າ ສານດ່ວນອາຊຽນ+3
ບັນດາສະມາຊິກກອງທຶນ
(ພາບ: ktdt.vn)
(vovworld)- ທີ່ກອງປະຊຸມຄັ້ງທີ 2 ກອງທຶນສະສົມເຂົ້າສານດ່ວນອາຊຽນ+3 ໂດຍກະຊວງກະສິກຳ ແລະ ພັດທະນາຊົນນະບົດຫວຽດນາມ ຈັດຂຶ້ນເມື່ອຕອນເຊົ້າວັນທີ 29/5 ຢູ່ຮ່າໂນ້ຍ, ບັນດາສະມາຊິກຄູ່ຮ່ວມມືຂອງກອງທຶນດັ່ງກ່າວໄດ້ເອກະພາບກັນກ່ຽວກັບຈຸດໝາຍພື້ນຖານຂອງກອງທຶນແມ່ນເພື່ອແນໃສ່ແກ້ໄຂບັນດາບັນຫາຄ້ຳປະກັນສະບຽງອາຫານພາກພື້ນອາຊີຕາເວັນອອກ. ກ່າວຄຳເຫັນທີ່ກອງປະຊຸມ, ທ່ານເລກວກແຢວງ ຮອງລັດຖະມົນຕີກະຊວງກະສິກຳ ແລະ ພັດທະນາຊົນນະບົດຫວຽດນາມ ຊີ້ແຈ້ງວ່າ:
“ເລື່ອງນຳກອງທຶນສະສົມເຂົ້າສານດ່ວນອາຊຽນ+3 ເຂົ້າເຄື່ອນໄຫວຢ່າງເປັນທາງການ ແລະ ຜັນຂະຫຍາຍແຜນການດຳເນີນງານຂອງສະພາ ສະແດງໃຫ້ເຫັນຄວາມຕັດສິນໃຈ ແລະ ນ້ຳໃຈຮ່ວມມືລະຫວ່າງບັນດາປະເທດສະມາຊິກ. ບັນຫາຄ້ຳປະກັນສະບຽງອາຫານ , ພິເສດແມ່ນຮັບປະກັນການຄ້ຳປະກັນສະບຽງອາຫານ ໃນບັນດາກໍລະນີຮີບດ່ວນ, ຮັບມືກັບໄພພິບັດ ແມ່ນບັນຫາຕ້ອງມີບັນດາຄວາມມານະພະຍາຍາມລວມຂອງປະເທດຕ່າງໆໃນພາກພື້ນ ແລະ ບັນດາມາດຕະການຢ່າງໄວວາ, ຮັບປະກັນລັກສະນະທັນການ ແລະ ມີປະສິດທິຜົນຂອງບັນດາໂຄງການກູ້ຊ່ວຍດ່ວນ“./.