ຄະນະຜູ້ແທນຫວຽດນາມເຂົ້າຮ່ວມກອງປະຊຸມ
ພາບ:TTXVN
|
(vovworld)- ໃນວັນທີ 27-28/2, ວາລະປະຊຸມຂັ້ນສູງຂອງກອງປະຊຸມຄັ້ງທີ 34 ສະພາສິດທິມະນຸດ ສປຊ ຊື່ງດຳເນີນຢູ່ນະຄອນ ເຊີແນວ ປະເທດສະວິດ ໂດຍເປັນກຽດເຂົ້າຮ່ວມຂອງທ່ານເລຂາທິການໃຫຍ່ ສປຊ Antonio Guterres ແລະ ປະທານກອງປະຊຸມສະມັດຊາໃຫຍ່ ສປຊ ຊຸດທີ 71, ທ່ານ Peter Thomson ພ້ອມກັບບັນດາຄະນະຜູ້ແທນຂັ້ນສູງທີ່ມາຈາກ 10 ປະເທດ ແລະ ອົງການຈັດຕັ້ງສາກົນ. ຄະນະຜູ້ແທນຫວຽດນາມ ໂດຍທ່ານ ຮ່າກີມງອກ, ຮອງລັດຖະມົນຕີກະຊວງການຕ່າງປະເທດ ນຳຫນ້າ. ກ່າວຄຳເຫັນທີ່ກອງປະຊຸມຂັ້ນສູງໃນຕອນເຊົ້າວັນທີ 28/2, ທ່ານຮອງລັດຖະມົນຕີ ຮ່າກີມງອກ ໄດ້ເນັ້ນຫນັກເປັນພິເສດເຖິງບັນດາການບຸລິມະສິດ, ຂໍ້ລິເລີ່ມຂອງຫວຽດນາມ ທີ່ສະພາສິດທິມະນຸດ. ຫວຽດນາມ ຢືນຢັນຈະສືບຕໍ່ປະກອບສ່ວນຢ່າງຕັ້ງຫນ້າເພື່ອໃຫ້ ສະພາສິດທິມະນຸດ ກາຍເປັນກົນໄກມີປະສິດທິຜົນໃນຫນ້າທີ່ປົກປ້ອງ ແລະ ຊຸກຍູ້ສິດທິມະນຸດ. ຫວຽດນາມ ຈະສືບຕໍ່ມານະພະຍາຍາມເພື່ອຮັບປະກັນໃຫ້ປະຊາຊົນຫວຽດນາມທຸກຄົນ ໄດ້ຊົມໃຊ້ສິດທິມະນຸດຢ່າງຄົບຖ້ວນ. ທ່ານຮອງລັດຖະມົນຕີການຕ່າງປະເທດຫວຽດນາມ ຮ່າກີມງອກ ເຊີດຊູບາງຄວາມມານະພະຍາຍາມຂອງຫວຽດນາມ ແລະ ຜົນງານຂອງຫວຽດນາມ ຄື: ການສ້າງລະບົບກົດໝາຍກ່ຽວກັບສິດທິມະນຸດໃຫ້ສົມບູນແບບ, ຜັນຂະຫຍາຍແຜນການສັງລວມໃນການປະຕິບັດບັນດາຂໍ້ສະເຫນີແນະ UPR. ທ່ານຮອງລັດຖະມົນຕີການຕ່າງປະເທດຫວຽດນາມ ຮ່າກີມງອກ ເນັ້ນຫນັກວ່າ: ຫວຽດນາມ ໄດ້ ແລະ ພວມປະກອບສ່ວນຢ່າງຕັ້ງຫນ້າເຂົ້າໃນບັນດາຂໍ້ລິເລີ່ມຂອງພາກພື້ນ ແລະ ສາກົນ ທີ່ກ່ຽວຂ້ອງເຖິງການຮັບປະກັນສິດທິມະນຸດ, ພ້ອມກັບບັນດາປະເທດ ອາຊຽນ ສ້າງປະຊາຄົມ ອາຊຽນ ຖືປະຊາຊົນເປັນໃຈກາງ, ສ້າງພາກພື້ນສັນຕິພາບ, ສະຖຽນລະພາບ,ຮ່ວມມື ແລະ ພັດທະນາ.
ຢູ່ນອກກອງປະຊຸມ, ຫົວຫນ້າຄະນະຜູ້ແທນຫວຽດນາມ ໄດ້ພົບປະ ແລະເຮັດວຽກກັບລັດຖະມົນຕີການຮ່ວມມືພັດທະນາ ແລະ ປາຊີຟີກ ຂອງອົດສະຕາລີ ກ່ຽວກັບຫົວຂໍ້: “ຄວາມສະເຫມີພາບລະຫວ່າງຍິງ ຊາຍ ກໍຄືບັນດາການພົບປະສອງຝ່າຍກັບລັດຖະມົນຕີການຕ່າງປະເທດ Gruzia, ລັດຖະມົນຕີຮັບຜິດຊອບກ່ຽວກັບອາຊີ ປາຊີຟີກ ຂອງອັງກິດ, ຮອງລັດຖະມົນຕີການຕ່າງປະເທດ Uruguay, ຮອງລັດຖະມົນຕີການຕ່າງປະເທດ ໂປໂລຍ.