ກອງປະຊຸມສາມັນປະຈຳປີຄັ້ງທີ 31 ລະຫວ່າງ 2 ຄະນະຜູ້ແທນຊາຍແດນ ຫວຽດນາມ - ລາວ (ພາບ: laodong.vn)

ວັນທີ 29 ທັນວາ, ທ່ານຮອງລັດຖະມົນຕີການຕ່າງປະເທດ ຫວຽດນາມ ຫງວຽນມິນຫວູ ແລະ ທ່ານລັດຖະມົນຕີການຕ່າງປະເທດ ລາວ ສະເຫຼີມໄຊ ກົມມະສິດ ໄດ້ເປັນປະທານກອງປະຊຸມສາມັນປະຈຳປີຄັ້ງທີ 31 ລະຫວ່າງ 2 ຄະນະຜູ້ແທນຊາຍແດນ ຫວຽດນາມ - ລາວ.

        ທີ່ກອງປະຊຸມ, 2 ຝ່າຍເຫັນດີສືບຕໍ່ສົມທົບກັນຈັດການຄຸ້ມຄອງເສັ້ນຊາຍແດນ, ຫຼັກໝາຍຊາຍແດນແຫ່ງຊາດໃຫ້ເປັນຢ່າງດີ; ພ້ອມກັນຄົ້ນຄວ້າ, ສະເໜີຕໍ່ລັດຖະບານ 2 ປະເທດ ອະນຸຍາດໃຫ້ຜັນຂະຫຍາຍບັນດາມາດຕະການ, ໃນນັ້ນມີການນຳໃຊ້ໜັງສືຜ່ານແດນວັກຊິນເອເລັກໂຕນິກ ເພື່ອແນໃສ່ສ້າງເງື່ອນໄຂໃຫ້ແກ່ການໄປມາລະຫວ່າງ 2 ປະເທດກວ່າອີກ ໃນສະພາບໂລກລະບາດໂຄວິດ-19 ຍັງສືບຕໍ່ແຜ່ລະບາດ; ພ້ອມກັນນັ້ນ, ປະກາດໃຊ້ ແລະ ນຳໃຊ້ນະໂຍບາຍ, ກົນໄກພິເສດສະເພາະ ເພື່ອແນໃສ່ສົ່ງເສີມ, ດຶງດູດວິສາຫະກິດຂອງ 2 ປະເທດລົງທຶນ ພັດທະນາເຂດຊາຍແດນ, ພິເສດແມ່ນຝ່າຍ ລາວ. 2 ຝ່າຍກໍ່ເປັນເອກະພາບສືບຕໍ່ຊຸກຍູ້ການລົງທຶນພື້ນຖານໂຄງລ່າງດ່ານຊາຍແດນ ແລະ ເຊື່ອມຕໍ່ທາງຄົມມະນາຄົມເພື່ອສ້າງເງື່ອນໄຂຍູ້ແຮງການແລກປ່ຽນການຄ້າ; ເພີ່ມທະວີວຽກງານໂຄສະນາ, ເຜີຍແຜ່ກົດໝາຍວ່າດ້ວຍຊາຍແດນໃຫ້ພະນັກງານ, ນັກຮົບ ແລະ ປະຊາຊົນ 2 ປະເທດ.

        ສິ້ນສຸດກອງປະຊຸມ, 2 ຝ່າຍໄດ້ເຫັນດີຈະຈັດກອງປະຊຸມສາມັນປະຈຳປີຄັ້ງທີ 32 ລະຫວ່າງ 2 ຄະນະຜູ້ແທນຊາຍແດນ ຫວຽດນາມ - ລາວ ໃນໄຕມາດທີ 4 ປີ 2022 ຢູ່ ລາວ.