ຫວຽດນາມສູ້ຊົນກາຍເປັນສູນກາງສະໜອງແຫຼ່ງຊັບພະຍາກອນຄຸນນະພາບສູງໃຫ້ແກ່ໂລກ
ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ເຂົ້າຮ່ວມ ແລະ ມີບົດປາໄສຢູ່ທີ່ເວທີປາໄສຂັ້ນສູງເຕັກໂນໂລຢີຂໍ້ມູນຂ່າວສານ ແລະ ສື່ສານ 2016 |
(vovworld)- ຕອນເຊົ້າວັນທີ 24/9, ຢູ່ຮ່າໂນ້ຍ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ເຂົ້າຮ່ວມ ແລະ ມີບົດປາໄສຢູ່ທີ່ເວທີປາໄສຂັ້ນສູງເຕັກໂນໂລຢີຂໍ້ມູນຂ່າວສານ ແລະ ສື່ສານ 2016. ເວທີປາໄສໄດ້ສຸມໃສ່ປຶກສາຫາລື 4 ຫົວເລື່ອງຄື: ຊຸກຍູ້ການປ່ຽນແປງຢ່າງມີຫົວຄິດປະດິດສ້າງ ແລະ ສ້າງປະເທດຊາດເລີ່ມສ້າງອາຊີບ; ພັດທະນາໂຄງລ່າງເຕັກໂນໂລຢີຂໍ້ມູນຂ່າວສານ ແລະ ຮັບປະກັນຄວາມປອດໄພທາງເຄືອຂ່າຍອິນເຕີເນັດ; ພັດທະນາແຫຼ່ງຊັບພະຍາກອນມະນຸດ. ກ່າວຄຳເຫັນທີ່ເວທີປາໄສ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ກ່າວວ່າ :
“ ກາລະໂອກາດໃຫ້ແກ່ພວກເຮົາໃນການປະຕິວັດຄັ້ງນີ້ ກໍແມ່ນຄວາມມານະພະຍາຍາມແກ້ໄຂສິ່ງທ້າທາຍ, ເສີມຂະຫຍາຍທ່າໄດ້ປຽບຂອງຫວຽດນາມໃນຍຸກສະໄໝຈີດີຕອນໃນລະດັບສູງສຸດ. ໃນສະພາວະທີ່ປະເທດຫວຽດນາມ ເຊື່ອມໂຍງຢ່າງກ້ວາງເລິກນັ້ນ, ຫວຽດນາມພວມຜັນຂະຫຍາຍການສ້າງໂຄງປະກອບເສດຖະກິດຄືນໃໝ່ ແລະ ຫັນປ່ຽນຮູບແບບການເຕີບໂຕຈາກລວງ ກ້ວາງສູ່ລວງເລິກ. ຂ້າພະເຈົ້າເຊື່ອໝັ້ນວ່າ ຫວຽດນາມເຖິງວ່າ ພວມເດີນຕາມຫຼັງ , ແຕ່ພວກເຮົາຈະປະສົບຜົນສຳເລັດ ຖ້າຫາກພວກເຮົາຍາດແຍ່ງໄດ້ໂອກາດ, ມີຍຸດທະສາດຖືກຕ້ອງ, ມີໂຄງການດຳເນີນງານລະອຽດ ແລະ ທັນການ”