ຫວຽດນາມແລະອີຕາລີເພີ່ມທະວີການຮ່ວມມືໃນຂົງເຂດບຳລຸງສ້າງມະຫາວິທະຍາໄລ
ທ່ານເອກອັກຄະລັດຖະທູດຫວຽດນາມ ຫງວຽນຮ່ວາງລອງ
ກ່າວຄຳເຫັນທີ່ກອງປະຊຸມ
(ພາບ: Anh Ngọc)
(vovworld) - ວັນທີ 9/4, ພາຍໃຕ້ການເປັນປະທານຂອງກະຊວງການຕ່າງປະເທດອີຕາລີ, ກະຊວງສຶກສາ ແລະ ຄົ້ນຄ້ວາອີຕາລີ ແລະ ສະຖານທູດຫວຽດນາມ ປະຈຳອີຕາລີ, ກອງປະຊຸມບັນດາມະຫາວິທະຍາໄລ ຫວຽດນາມ-ອີຕາລີ ໄດ້ຈັດຕັ້ງຢູ່ນະຄອນຫຼວງໂຣມ. ດ້ວຍການເຂົ້າຮ່ວມຂອງການນຳ ແລະ ຜູ້ຕາງໜ້າກ່ວາ 30 ມະຫາວິທະຍາໄລທີ່ມາຈາກ 2 ປະເທດ, ໃນນັ້ນມີ ມະຫາວິທະຍາໄລຂອງອີຕາລີ ກ່ວາ 20 ແຫ່ງ.
ກ່າວຄຳເຫັນທີ່ກອງປະຊຸມ, ທ່ານເອກອັກຄະລັດຖະທູດຫວຽດນາມ ປະຈຳອີຕາລີ ຫງວຽນຮ່ວາງລອງ ເນັ້ນໜັກວ່າ: ຄວາມສຳຄັນຂອງການຮ່ວມມືດ້ານສຶກສາ, ຂົງເຂດການຮ່ວມມືບຸລິມະສິດໃນການພົວພັນຄູ່ຮ່ວມມືຍຸດທະສາດ ຫວຽດນາມ-ອີຕາລີ. ໃນຊຸມປີຜ່ານມາ, 2 ປະເທດໄດ້ມານະພະຍາຍາມ ແລະ ສຸມໃສ່ບັນດາແຫຼ່ງກຳລັງຊຸກຍູ້ການຮ່ວມມືດ້ານສຶກສາ ແລະ ຄົ້ນຄ້ວາວິທະຍາສາດ, ພິເສດແມ່ນການຮ່ວມມືລະຫວ່າງບັນດາມະຫາວິທະຍາໄລ ເພື່ອສ້າງເງື່ອນໄຂສະດວກໃຫ້ແກ່ນັກສຶກສາ ຫວຽດນາມ ມາຮຳ່ຮຽນ ແລະ ຄົ້ນຄ້ວາຢູ່ ອີຕາລີ.
ສ່ວນຜູ້ຕາງໜ້າລັດຖະບານອີຕາລີ ຢືນຢັນວ່າ: ອີຕາລີ ຈະມີນະໂຍບາຍສະດວກກ່ວາອີກ ເພື່ອແນໃສ່ໜູນຊ່ວຍນັກສຶກສາ ຫວຽດນາມ ກ່ຽວກັບຄ່າຮຽນ, ບ່ອນກິນຢູ່ ແລະ ລະບຽບການບໍລິຫານ, ພ້ອມທັງເນັ້ນໜັກວ່າ: ເລື່ອງເປີດກ້ວາງການຮ່ວມມືໃນຂົງເຂດການສຶກສາມະຫາວິທະຍາໄລກັບ ຫວຽດນາມ ແມ່ນໜຶ່ງໃນບັນດາແຜນນະໂຍບາຍຂອງກະຊວງສຶກສາ ແລະ ຄົ້ນຄ້ວາວິທະຍາສາດ ອີຕາລີ.