(vovworld) - ວັນທີ 24/04, ຢູ່ນະຄອນດ່ານັ້ງ, ໄດ້ດຳເນີນກອງປະຊຸມ 2 ຝ່າຍຫວຽດນາມ - ໄທ ກ່ຽວກັບການຮ່ວມມືປ້ອງກັນ, ຕ້ານຢາເສບຕິດ ຄັ້ງທີ 11 ໂດຍກົມໃຫຍ່ຕຳຫຼວດກະຊວງຕຳຫຼວດຫວຽດນາມ ແລະ ຫ້ອງການຄະນະກຳມະການຄວບຄຸມຢາເສບຕິດໄທ ສົມທົບກັນຈັດຕັ້ງ. ຫວຽດນາມ ແລະ ໄທ ແມ່ນ 2 ປະເທດນອນໃນພາກພື້ນຖືກຜົນສະທ້ອນໂດຍກົງ ແລະ ຮ້າຍແຮງຂອງໄພຢາເສບຕິດ. ປີ 1988, ລັດຖະບານຫວຽດນາມ ແລະ ໄທ ໄດ້ລົງນາມໃນສັນຍາຮ່ວມມື 2 ຝ່າຍກ່ຽວກັບການປ້ອງກັນ, ຕ້ານຢາເສບຕິດ ແລະ ມາຮອດປະຈຸບັນບັນລຸໄດ້ຜົນງານຫຼາຍພໍສົມຄວນ. ເຖິງຢ່າງໃດກໍ່ຕາມ, ສະພາບອາຊະຍາກຳຢາເສບຕິດ ພວມເກີດຂຶ້ນຢ່າງສັບສົນ. ທີ່ກອງປະຊຸມ, ບັນດາອົງການທີ່ມີໜ້າທີ່ຂອງ 2 ປະເທດ ໄດ້ສຸມໃສ່ໄຈ້ແຍກ, ຍົກອອກມາດຕະການສົມທົບກັນໃນການຕໍ່ສູ້, ປ້ອງກັນ, ຕ້ານອາດຊະຍາກຳຍາເສບຕິດໃນໄລຍະຈະມາເຖິງ.