(vovworld) – ກອງປະຊຸມທົ່ວປະເທດຜັນຂະຫຍາຍແຜນຮ່າງ ຫັນເປັນໂທລະພາບດີຈີຕອນເຖິງປີ 2020 ໂດຍກະຊວງຖະແຫຼງຂ່າວ ແລະ ສື່ສານ ຫວຽດນາມ, ຄະນະຊີ້ນຳແຜນຮ່າງຫັນໂທລະພາບເປັນດີຈີຕອນ ສົມທົບກັນຈັດຕັ້ງໃນຕອນເຊົ້າວັນທີ 26/3 ຢູ່ ຮ່າໂນ້ຍ.
ກ່າວຄຳເຫັນຊີ້ນຳກອງປະຊຸມ, ທ່ານຮອງນາຍົກລັດຖະມົນຕີ ຫວຽດນາມ ຫງວຽນທ້ຽນເຍີນ, ຫົວໜ້າຄະນະຊີ້ນຳດ້ານເຕັກໂນໂລຢີຂໍ້ມູນຂ່າວສານແຫ່ງຊາດ ສະເໜີວ່າຮອດທ້າຍປີ 2013 ກະຊວງຖະແຫຼງການ ແລະ ສື່ສານຕ້ອງຍື່ນສະເໜີຕໍ່ລັດຖະບານແຜນກຳນົດລະບົບໂທລະພາບຂອງທົ່ວປະເທດຮອດປີ 2020. ທ່ານຮອງນາຍົກລັດຖະມົນຕີໃສ່ໃຈວ່າຄະນະຊີ້ນຳແຜນຮ່າງ ຫັນເປັນໂທລະພາບດີຈີຕອນ ເອົາໃຈໃສ່ກ່ວາອີກເຖິງເຂດຫ່າງໄກຊອກຫຼີກ, ພິເສດແມ່ນບັນດາແຂວງເຂດພູດອຍທາງພາກເໜືອ ແລະ ເຂດ ໄຕງວຽນ ໃນການຜັນຂະຫຍາຍການຫັນເປັນໂທລະພາບດີຈີຕອນ. ທ່ານຮອງນາຍົກລັດຖະມົນຕີ ຫວຽດນາມ ຫງວຽນທ້ຽນເຍີນ ເນັ້ນໜັກວ່າ:
“ເລື່ອງໜູນຊ່ວຍຜູ້ນຳໃຊ້ໂທລະພາບດີຈີຕອນ ອາດຈະນຳໃຊ້ກອງທຶນໂທລະຄົມມະນາຄົມທີ່ມີປະໂຫຍດສ່ວນລວມ, ບັນດາທ້ອງຖິ່ນກໍ່ຕ້ອງເຂົ້າຮ່ວມ. ຂ້າພະເຈົ້າສະເໜີໃຫ້ການນຳຄະນະກຳມະການປະຊາຊົນບັນດາແຂວງໂດຍອີງໃສ່ໃບສະເໜີຂອງພະແນກຖະແຫຼງຂ່າວ ແລະ ສື່ສານ ແລະ ສະຖານີວິທະຍຸ - ໂທລະພາບທ້ອງຖິ່ນຕົນຄວນຈັດວາລະປະຊຸມຫົວເລື່ອງສະເພາະກ່ຽວກັບບັນຫາຫັນເປັນໂທລະພາບດີຈີຕອນ, ເພື່ອເປັນເອກະພາບກັນລະຫວ່າງ 3 ອົງການໃນວິວັດທະນາການຫັນເປັນໂທລະພາບດີຈີຕອນຂອງທ້ອງຖິ່ນຕົນ”