ພາບປະກອບ

ວັນທີ 13 ມິຖຸນາ, ກ່າວຄຳເຫັນທີ່ກອງປະຊຸມຄັ້ງທີ 11 ສົນທິສັນຍາສິດຂອງຄົນພິການ (CRPD), ທ່ານນາງເອກອັກຄະລັດຖະທູດ ຫງວຽນເຟືອງງາ, ຫົວໜ້າຄະນະຜູ້ແທນ ຫວຽດນາມ ປະຈຳ ສປຊ, ໄດ້ຊົມເຊີຍຫົວຂໍ້ຂອງກອງປະຊຸມປີນີ້, ນັ້ນແມ່ນ “ບໍ່ມີໃຜຖືກປະໄວ້ຢູ່ທາງຫຼັງ ຜ່ານການຜັນຂະຫຍາຍສົນທິສັນຍາສິດຂອງຄົນພິການ”. ທ່ານນາງເອກອັກຄະລັດຖະທູດ ໃຫ້ຂໍ້ສັງເກດວ່າ: ຫົວຂໍ້ນີ້ໄດ້ສະແດງໃຫ້ເຫັນການພົວພັນສະໜິດແໜ້ນ, ໜູນຊ່ວຍລະຫວ່າງການປະຕິບັດໂຄງການດຳເນີນງານປີ 2030 ແລະ CRPD ມຸ່ງໄປເຖິງຄາດໝາຍສ້າງອະນາຄົດອັນດີງາມກ່ວາອີກໃຫ້ທຸກໆຄົນ.

        ທ່ານນາງເອກອັກຄະລັດຖະທູດ ຫງວຽນເຟືອງງາ ຢັ້ງຢືນວ່າ: ຫວຽດນາມ ຖືຄວາມສະເໝີພາບ ແລະ ບໍ່ຈຳແນກການປະພຶດແມ່ນບັນດາຫຼັກການພື້ນຖານຂອງການຊຸກຍູ້ ແລະ ຮັບປະກັນສິດຂອງທຸກໆຄົນ, ໃນນັ້ນມີສິດຂອງຄົນພິການ; ເລື່ອງໃຫ້ຂໍ້ມູນຂ່າວກ່ຽວກັບບັນດາຄວາມມານະພະຍາຍາມຂອງ ຫວຽດນາມ ໃນການໜູນຊ່ວຍຊີວິດການເປັນຢູ່, ຊຸກຍູ້ການເຂົ້າຮ່ວມ ແລະ ການປະກອບສ່ວນຂອງຄົນພິການໃນສັງຄົມ. ໃນນັ້ນ, ການກໍ່ສ້າງບັນດາສູນໜູນຊ່ວຍການດຳລົງຊີວິດແບບເອກະລາດໃຫ້ຄົນພິການ, ນະໂຍບາຍບຸລິມະສິດສົ່ງເສີມບັນດາອົງການໜູນຊ່ວຍການເງິນ ແລະ ເຕັກນິກໃຫ້ແກ່ການສ້າງວິຊາຊີບ, ການສຶກສາ, ສ້າງວຽກເຮັດງານທຳໃຫ້ຄົນພິການ, ຍົກສູງຄຸນນະພາບສະຖິຕິຮັບໃຊ້ວຽກງານວາງແຜນກຳນົດນະໂຍບາຍ.