(vovworld) - ພິທີສະເຫລີມສະຫລອງວັນໃຊ້ພາສາຝລັ່ງສາກົນ ຖືກຈັດຂຶ້ນຢ່າງເປັນທາງການໃນຕອນເຊົ້າວັນທີ 20/3 ຢູ່ ຮ່າໂນ້ຍ ພາຍໃຕ້ການເປັນປະທານຂອງທ່ານນາງ ຫງວຽນເຟືອງງາ ຮອງລັດຖະມົນຕີການຕ່າງປະເທດ ຫວຽດນາມ. ກ່າວຄຳເຫັນທີ່ພິທີ, ທ່ານນາງ ຫງວຽນເຟືອງງາ ຊີ້ແຈງວ່າ:
“ຜັນຂະຫຍາຍນະໂຍບາຍການພົວພັນກັບຕ່າງປະເທດ ເອກະລາດ, ເປັນເຈົ້າ ສັນຕິພາບ, ການຮ່ວມມື ແລະ ພັດທະນາ, ເປັນເຈົ້າການ ແລະ ຕັ້ງຫນ້າເຊື່ອມໂຍງເຂົ້າກັບສາກົນ, ຫວຽດນາມ ຖືການພົວພັນຮ່ວມມືກັບ ອົງການໃຊ້ພາສາຝລັ່ງ ແລະ ບັນດາປະເທດສະມາຊິກຂອງອົງການເປັນສຳຄັນ ແລະ ມານະພະຍາຍາມປະກອບສ່ວນເຂົ້າໃນການເຄື່ອນໄຫວຮ່ວມມືຂອງອົງການໃຊ້ພາສາຝລັ່ງ. ຍາມໃດ ຫວຽດນາມ ກໍປະຕິບັດບັນດາພັນທະຂອງປະເທດສະມາຊິກຢ່າງຄົບຖ້ວນ ແລະ ຕັ້ງຫນ້າຊຸກຍູ້ຄວາມສາມັກຄີລະຫວ່າງບັນດາປະເທດສະມາຊິກ. ”
ສ່ວນທ່ານນາງ Anissa Barak ຜູ້ຕາງຫນ້າອົງການໃຊ້ພາສາຝລັ່ງ ຢູ່ພາກພື້ນ ອາຊີ ປາຊີຟີກ ໄດ້ເນັ້ນຫນັກວ່າ:
“ດ້ວຍບັນດາຜົນງານດ້ານເສດຖະເກິດ ແລະ ການພົວພັນກັບຕ່າງປະເທດຢ່າງຂະຫຍັນຂັນເຄື່ອນ, ຫວຽດນາມ ສວມບົດບາດສຳຄັນໃນການເພີ່ມທະວີການພົວພັນລະຫວ່າງບັນດາປະເທດໃຊ້ພາສາ ຝລັ່ງ ຢູ່ພາກພື້ນ ອາຊີ ປາຊີຟີກ ແລະ ບັນດາພາກພື້ນອື່ນທີ່ໃຊ້ພາສາຝລັ່ງ. ”