ຫວຽດນາມ ຢາກແບ່ງປັນວິໄສທັດ ແລະ ປະສົບການສາກົນ ໃນການຟື້ນຟູເສດຖະກິດ - ສັງຄົມ ຂຽວ, ຍືນຍົງ
(VOVWORLD) -ກອງປະຊຸມສາກົນ “ຊຸກຍູ້ການຟື້ນຟູເສດຖະກິດຂຽວ ແລະ ກວມລວມ: ບົດຮຽນຈາກປະສົບການສາກົນ” ໂດຍອົງການພັດທະນາ ສປຊ (UNDP) ແລະ ກະຊວງການຕ່າງປະເທດ ຫວຽດນາມ ສົມທົບກັນຈັດຂຶ້ນໃນຕອນເຊົ້າວັນທີ 25 ກຸມພາ ຢູ່ ຮ່າໂນ້ຍ.
 ທ່ານຮອງນາຍົກລັດຖະມົນຕີ ຜູ້ປະຈຳການລັດຖະບານ ຫວຽດນາມ ຟ້າມບິ່ງມິງ ກ່າວຄໍາເຫັນທີ່ກອງປະຊຸມ (ພາບ: TTXVN) |
ກ່າວຄຳເຫັນໄຂກອງປະຊຸມ, ທ່ານຮອງນາຍົກລັດຖະມົນຕີ ຜູ້ປະຈຳການລັດຖະບານ ຫວຽດນາມ ຟ້າມບິ່ງມິງ ຢັ້ງຢືນວ່າ ການຟື້ນຟູເສດຖະກິດແບບຍືນຍົງແມ່ນບຸລິມະສິດແຖວໜ້າຂອງ ຫວຽດນາມ ໃນປັດຈຸບັນ. ດັ່ງນັ້ນ, ຫວຽດນາມ ຢາກຮັບຟັງຄຳແບ່ງປັນຈາກນັກຊ່ຽວຊານ, ບັນດາອົງການຈັດຕັ້ງສາກົນ, ບັນດານັກຄົ້ນຄວ້າພາຍໃນ ແລະ ຕ່າງປະເທດ ກ່ຽວກັບວິໄສທັດ ແລະ ປະສົບການສາກົນໃນການຟື້ນຟູເສດຖະກິດ - ສັງຄົມ ຂຽວ, ຍືນຍົງ ແລະ ກວມລວມ. ທ່ານກ່າວວ່າ:
“ຂ້າພະເຈົ້າຢາກໄດ້ຮັບຟັງຄຳຄິດເຫັນ, ຂໍ້ສະເໜີແນະທີ່ສຸມໃສ່ບັນດາຂົງເຂດດັ່ງນີ້: ທີໜຶ່ງແມ່ນ ການແກ້ໄຂຜົນກະທົບຈາກສິ່ງແວດລ້ອມຕໍ່ການເຕີບໂຕ. ທີສອງແມ່ນ ຮັບປະກັນວິວັດການເຕີບໂຕຢ່າງຮອບດ້ານ ແລະ ຍືນຍົງ. ທີສາມແມ່ນຍົກສູງສະມັດຕະພາບ, ຄຸນນະພາບ, ປະສິດທິຜົນ ແລະ ກຳລັງແກ້ງແຍ້ງຂອງພື້ນຖານເສດຖະກິດ, ປະສົບການກ່ຽວກັບການຫັນປ່ຽນເສດຖະກິດ, ພະລັງງານ, ໃຫ້ຄຳປຶກສາກ່ຽວກັບການເງິນຂຽວ, ສຳຜັດກັບເຕັກໂນໂລຢີຂຽວ ກໍຄືວິທີແກ້ໄຂຜົນກະທົບທາງສັງຄົມຂອງວິວັດການຫັນປ່ຽນ”.