(ພາບປະກອບ)
(vovworld) - ພາຍຫຼັງໄຊຊະນະໃນລະດູບານໃໝ່ຄືວັນທີ 30/04/1975, ຫວຽດນາມ ໄດ້ທ້ອນໂຮມປະເທດຊາດເປັນປຶກ 1 ແຜ່ນດຽວ, ແຕ່ມີເນື້ອທີ່ດິນກວ່າ 20% (6,6 ລ້ານແຮັກຕາ) ຖືກມົນລະພິດຍ້ອນລູກລະເບີດຝັງດິນດ້ວຍລະເບີດໝາກມິ່ນ, ວັດຖຸລະເບີດປະມານ 800.000 ໂຕນທີ່ຍັງຕົກຂ້າງພາຍຫຼັງສົງຄາມ (ລວມທັງ ລະເບີດໝາກມິ່ນ, ລູກປືນໃຫຍ່, ແລະ ວັດຖຸລະເບີດອື່ນໆຢູ່ໃຕ້ດິນ). ຄຽງຄ້າງກັບຄວາມານະພະຍາຍຍາມດ້ວຍຕົນເອງ, ຫວຽດນາມ ກໍຂົນຂວາຍການໜູນຊ່ວຍຈາກສາກົນຢ່າງຕັ້ງໜ້າ ແລະ ສົມທົບກັບບັນດາປະເທດ ແລະ ອົງການສາກົນຕ່າງໆ, ນັບທັງອົງການບໍ່ຂຶ້ນກັບລັດຖະບານເພື່ອສຳຫຼວດກວດກາ ແລະ ແກ້ໄຂຜົນຮ້າຍຢ້ອນຫຼັງຈາກລະເບີດໝາກມິ່ນ ອັນໄດ້ທຳຄວາມສະອາດໃນ 4% ເນື້ອທີ່ດິນທີ່ຖືກມົນລະພິດຍ້ອນລະເບີດໝາກມິ່ນ. ຢູ່ Geneva, ທ່ານດອກເຕີ ຟ່າງກວກຈຸ, ຮອງຫົວໜ້າຄະນະຜູ້ຕ່າງໜ້າຫວຽດນາມ ປະຈຳສະຫະປະຊາຊາດ, ອົງການການຄ້າໂລກ ແລະ ບັນດາອົງການສາກົນຕ່າງໆ ໃຫ້ຮູ້ວ່າ ເພື່ອບັນລຸໄດ້ໝາກຜົນຄືດັ່ງກ່າວ ກໍຍ້ອນລັດຖະບານ ແລະ ປະຊາຊົນຫວຽດນາມ ໄດ້ຕັ້ງໜ້າພະຍາຍາມດຳເນີນການສຳຫຼວດເກັບກູ້ລະເບີດໝາກມິ່ນທີ່ຍັງຕົກຄ້າງພາຍຫຼັງສົງຄາມໃນຫຼາຍສິບປີຜ່ານມາ. ຄຽງຂ້າງນັ້ນ, ຫວຽດນາມ ໄດ້ຮັບການໜູນຊ່ວຍຈາກຫຼາຍປະເທດຄື ຍີ່ປຸ່ນ, ອາເມລິກາ, ນອກແວ... ກໍຄືບັນດາອົງການສາກົນອື່ນໆອີກ, ໃນນັ້ນມີສູນສຳຫຼວດເກັບກູ້ລູກລະເບີດໝາກມິ່ນມະນຸດສະຖຳສາກົນ Geneva, ອົງການ Golden West, ອົງການອຸປະຖຳປະຊາຊົນນອກແວ...
ໂດຍເຕື້ອງເຖິງບົດບາດຂອງຫວຽດນາມ ທີ່ກອງປະຊຸມຫຼຸດກຳລັງທັບ (CD), ຕາມທ່ານ ຟ້າມກວດຈຸ ແລ້ວ, ຫວຽດນາມໃນຖານະເປັນສະມາຊິກຢ່າງເປັນທາງການຂອງ CD ນັບແຕ່ປີ 1996, ຫວຽດນາມ ໄດ້ສະແດງໃຫ້ເຫັນຢ່າງຈະແຈ້ງທັດສະນະ ແລະ ຫຼັກໝັ້ນຂອງຕົນກ່ຽວກັບບັນຫາຫຼຸດກຳລັງທັບຂອງຕົນ, ຮັກສາສະຖຽນລະພາບ ແລະ ຄວາມປອດໄພ ກໍຄືກ່ຽວກັບທຸກໆບັນຫາທີ່ໄດ້ປຶກສາຫາລືຢ່າງລະອຽດຢູ່ວາທີປາໄສຕ່າງໆຂອງ CD.