ການຕ້ອນຮັບຈັດຕັ້ງທີ່ສຳນັກງານກະຊວງການຕ່າງປະເທດ

ຕອນເຊົ້າວັນທີ 13 ມິຖຸນາ, ທີ່ສຳນັກງານກະຊວງການຕ່າງປະເທດ, ທ່ານລັດຖະມົນຕີກະຊວງການຕ່າງປະເທດ ຫວຽດນາມ ບຸ່ນແທັງເຊີນ ໄດ້ໃຫ້ການຕ້ອນຮັບທ່ານນາງຮອງລັດຖະມົນຕີຜູ້ທີໜຶ່ງກະຊວງການຕ່າງປະເທດ ອາເມລິກາ Wendy Sherman ເນື່ອງໃນໂອກາດການຢ້ຽມຢາມ ຫວຽດນາມ (ໃນລະຫວ່າງວັນ 10 – 13 ມິຖຸນາ). ທ່ານລັດຖະມົນຕີ ບຸ່ຍແທັງເຊີນ ເນັ້ນໜັກວ່າ: ຫວຽດນາມ ຖື ອາເມລິກາ ແມ່ນໜຶ່ງໃນບັນດາຄູ່ຮ່ວມມືສຳຄັນແຖວໜ້າ; ກຽມພ້ອມກັບ ອາເມລິກາ ຊຸກຍູ້ການພົວພັນຄູ່ຮ່ວມມືຮອບດ້ານໃຫ້ເຂົ້າສູ່ລວງເລິກ, ມີປະສິດທິຜົນ, ແທດຈິງບົນພື້ນຖານເຄົາລົບເອກະລາດ, ປະຊາທິປະໄຕ, ຜືນແຜ່ນດິນອັນຄົບຖ້ວນ ແລະ ລະບອບການເມືອງຂອງກັນ. ທ່ານລັດຖະມົນຕີ ບຸ່ຍແທັງເຊີນ ໄດ້ຊົມເຊີຍ ອາເມລິກາ ໄດ້ຈັດຕັ້ງກອງປະຊຸມຂັ້ນສູງພິເສດ ອາຊຽນ - ອາເມລິກາ ຢ່າງສຳເລັດຜົນ, ຜ່ານນັ້ນຢັ້ງຢືນຄຳໝັ້ນສັນຍາຍາວນານຂອງ ອາເມລິກາ ເພີ່ມທະວີການຮ່ວມມື ແລະ ສະໜັບສະໜູນບົດບາດໃຈກາງຂອງ ອາຊຽນ, ປະກອບສ່ວນໃຫ້ແກ່ສັນຕິພາບ, ສະຖຽນລະພາບ, ການຮ່ວມມື, ການພັດທະນາຢູ່ພາກພື້ນ.

        ທ່ານນາງຮອງລັດຖະມົນຕີຜູ້ທີໜຶ່ງ Wendy Sherman ຢັ້ງຢືນວ່າ ອາເມລິກາ ຖືເປັນສຳຄັນການພົວພັນຄູ່ຮ່ວມມືຮອບດ້ານກັບ ຫວຽດນາມ, ສະໜັບສະໜູນຢ່າງສະເໝີຕົ້ນສະເໝີປາຍກ່ຽວກັບ ຫວຽດນາມ ຮັ່ງມີເຂັ້ມແຂງ ແລະ ວັດທະນາຖາວອນ, ປາດຖະໜາຢາກຍົກລະດັບການພົວພັນເມື່ອມີເງື່ອນໄຂເໝາະສົມ.

        ທ່ານ ບຸ່ຍແທັງເຊີນ ແລະ ທ່ານນາງ Wendy Sherman ກໍ່ໄດ້ປຶກສາຫາລືກ່ຽວກັບບັນດາບັນຫາສາກົນ ແລະ ພາກພື້ນທີ່ຕ່າງຝ່າຍຕ່າງມີຄວາມສົນໃຈຄື: ບັນດາຂໍ້ລິເລີ່ມເຊື່ອມຈອດຢູ່ພາກພື້ນ ອາຊີ - ປາຊີຟິກ ແລະ ມະຫາສະໝຸດອິນເດຍ, ບັນຫາທະເລຕາເວັນອອກ, ພັດທະນາແບບຍືນຍົງ ແລະ ເພີ່ມທະວີການຮ່ວມມືດ້ານການສຶກສາຢູ່ອະນຸພາກພື້ນແມ່ນ້ຳຂອງ…