(ພາບປະກອບ)
(vovworld) - ວັນທີ 06/05, ຄະນະຜູ້ແທນຂັ້ນສູງກະຊວງປ້ອງກັນປະເທດຫວຽດນາມ ໂດຍທ່ານພົນເອກ ຟຸງກວາງແທງ, ລັດຖະມົນຕີກະຊວງປ້ອງກັນປະເທດ ນຳໜ້າ, ໄດ້ເດີນທາງເຂົ້າຮ່ວມກອງປະຊຸມລັດຖະມົນຕີປ້ອງກັນປະເທດ ບັນດາປະເທດອາຊຽນ ຄັ້ງທີ 7 (ADMM - 7) ຢູ່ບຣຸໄນ. ໃນລະຫວ່າງວັນທີ 06 – 08/05, ທີ່ກອງປະຊຸມ ADMM – 7, ລັດຖະມົນຕີກະຊວງປ້ອງກັນປະເທດຂອງບັນດາປະເທດສະມາຊິກອາຊຽນ ຈະປຶກສາຫາລື, ແບ່ງປັນບັນດາບັນຫາປ້ອງກັນຊາດ, ປ້ອງກັນຄວາມສະຫງົບ ແລະ ຊຸກຍູ້ການຮ່ວມມືດ້ານປ້ອງກັນຊາດໃນຂອບເຂດກອງປະຊຸມ ADMM/ADMM+, ເພື່ອຈຸດໝາຍສັນຕິພາບ, ສະຖຽນລະພາບລວມຂອງພາກພື້ນ. ຄາດວ່າ, ກອງປະຊຸມຈະພິຈາລະນາ ແລະ ຮັບຮອງເອົາບັນດາຂໍ້ລິເລີ່ມຮ່ວມມືໃໝ່ເຊິ່ງລວມມີ; ສ້າງຕັ້ງລາຍການພົບປະແລກປ່ຽນດ້ານປ້ອງກັນຊາດລະຫວ່າງບັນດາປະເທດອາຊຽນ; ສ້າງຕັ້ງຂອບເຂດໜູນຊ່ວຍພະລາທິການບັນດາປະເທດອາຊຽນ, ສ້າງຕັ້ງກຸ່ມຊ່ຽວຊານການແກ້ໄຂຜົນຮ້າຍຈາກລະເບີດໝາກມີ່ນພາຍຫຼັງສົງຄາມໃນຂອບເຂດກອງປະຊຸມ ADMM+, ດ້ວຍຊື່ວ່າ “ການເກບກູ້ລະເບີດໝາກມີ່ນມະນຸດສະທຳ”. ຫົວຂໍ້ຂອງ ADMM – 7 ແມ່ນ “ພ້ອມກັນປົກປ້ອງພົນລະເມືອງ ແລະ ອະນາຄົດຂອງພວກເຮົາ”, ຂໍ້ລິເລີ່ມຂອງຫວຽດນາມ ກ່ຽວກັບການສ້າງຕັ້ງ “ຊ່ຽວຊານເກບກູ້ລະເບີດໝາກມີ່ນມະນຸດສະທຳ” ໄດ້ຮັບຕີລາຄາວ່າແມ່ນເໝາະສົມ, ແທດເໝາະກັບຫົວຂໍ້ຂອງກອງປະຊຸມປີນີ້ ແລະ ສະໜັບສະໜູນ ແລະ ຄວາມເຫັນດີເຫັນພ້ອມຈາກບັນດາປະເທດເຂົ້າຮ່ວມ, ຍ້ອນນີ້ແມ່ນບັນຫາທີ່ມີຄວາມສົນໃຈບໍ່ພຽງແຕ່ຂອງສະເພາະຫວຽດນາມ ເທົ່ານັ້ນ ຫາກຍັງຂອງທົ່ວພາກພື້ນອີກດ້ວຍ.