ວັນທີ 2 ທັນວາ, ຢູ່ສວນສາທາລະນະ Nehru, ຢູ່ນະຄອນຫຼວງ ນິວເດລີ ໄດ້ຈັດຕັ້ງງານຕະຫຼາດນັດສາກົນຄະນະທູຕານຸທູດ 2018 (International Bazaar 2018). ນີ້ແມ່ນເຫດການສ້າງກອງທຶນການກຸສົນປະຈຳປີດ້ວຍຂອບຂະໜາດໃຫຍ່ທີ່ສຸດຂອງສະມາຄົມແມ່ຍິງເພື່ອຄວາມວັດທະນາຖາວອນລວມ Delhi (DCWA), ດ້ວຍການເຂົ້າຮ່ວມຂອງເກືອບ 50 ຄະນະທູຕານຸທູດປະເທດຕ່າງໆປະຈຳ ອິນເດຍ.

        ບັນດາຮ້ານວາງສະແດງທີ່ງານຕະຫຼາດນັດໄດ້ວາງຂາຍບັນດາຜະລິດຕະພັນທີ່ອຸດົມສົມບູນຈາກເຄື່ອງໃຊ້ສອຍຄື: ເຄື່ອງນຸ່ງ, ເກີບ, ເຄື່ອງໃຊ້ໃນຄົວເຮືອນ ຕະຫຼອດຮອດເຄື່ອງຫັດຖະກຳ, ເຄື່ອງເຟີນີເຈີ ແລະ ບັນດາເຍື່ອງອາຫານທີ່ເປັນເອກະລັກສະເພາະຂອງແຕ່ລະປະເທດ. ຄະນະ ຫວຽດນາມ ໄດ້ແນະນຳຜະລິດຕະພັນຫຼາຍຢ່າງທີ່ເຂັ້ມຂົ້ນໄປດ້ວຍສີສັນຂອງຊາດຄື: ກຸບ, ກາເຟ ພ້ອມກັບບັນດາເຍື່ອງອາຫານຄື: ແນມຈືນ ແລະ ເຝີ ຢູ່ງານຕະຫຼາດນັດຄັ້ງນີ້. ຜ່ານນັ້ນ, ໄດ້ປະກອບສ່ວນໂຄສະນາວັດທະນະທຳ, ພາບພົດຂອງ ຫວຽດນາມ ເຖິງເພື່ອນມິດສາກົນ.