ຫວຽດນາມ ເຂົ້າ ຮ່ວມກອງປະຊຸມ ສຸດຍອດພາສາ ຝະລັ່ງ ຄັ້ງທີ 14
Thuy Van ນັກຂ່າວ VOV ປະຈຳຝະລັ່ງ -
ກອງປະຊຸມຂັ້ນສູງບັນດາປະເທດໃຊ້ພາສາຝະລັ່ງ
ຄັ້ງທີ 7 ປີ 1997 ຢູ່ນະຄອນຫຼວງຮ່າໂນ້ຍ
(ພາບ:baodatviet.vn)
(VOV)- ກອງປະຊຸມສຸດຍອດຄັ້ງທີ 14 ຂອງອົງການໃຊ້ພາສາຝະລັ່ງ ສາກົນ (OIF) ຖືກໄຂຂຶ້ນໃນວັນທີ 13/10, ຢູ່ນະຄອນ Kinshasa ປະເທດ ສາທາລະນະລັດ Congo. ຊຸກຍຸ້ການຮ່ວມມືດ້ານພາສາຝະລັ່ງ ໃຫ້ແທດຈິງກ່ວາ, ປຶກສາຫາລືກ່ວາເຖິງການພັດທະນາການຮ່ວມມືດ້ານເສດຖະກິດຢ່າງລະອຽດ ແມ່ນຈຸດສຸມຂອງກອງປະຊຸມສຸດຍອດປີນີ້ ເພື່ອເກັ້ຍກ່ອມບັນດາປະເທດສະມາຊິກທີ່ວ່າ: ອົງການໃຊ້ພາສະຝະລັ່ງ ແມ່ນມີຜົນປະໂຫຍດຢ່າງແທດຈິງໃຫ້ແກ່ເຂົາເຈົ້າ. ນັບແຕ່ປີ 1970 ມາຮອດປະຈຸບັນ, ຫວຽດນາມ ໄດ້ເຂົ້າຮ່ວມທຸກໆການເຄື່ອນໄຫວຂອງປະຊາຄົມໃຊ້ພາສາຝະລັ່ງ, ໂດຍສະເພາະແມ່ນກອງປະຊຸມຂັ້ນສູງ 14 ຄັ້ງ. ພິເສດຫວຽດນາມ ໄດ້ຈັດກອງປະຊຸມສຳຄັນທີ່ສຸດ, ນັ້ນແມ່ນກອງປະຊຸມຂັ້ນສູງຄັ້ງທີ 7 ປີ 1997 ຢູ່ນະຄອນຫຼວງຮ່າໂນ້ຍ, ຊຶ່ງເປັນຂີດໝາຍກ່ຽວກັບການສ້າງຂໍ້ກຳນົດກົດລະບຽບຂອງອົງການໃຊ້ພາສາຝະລັ່ງ. ທ່ານ Duong Van Quang ເອກອັກຄະລັດຖະທູດຫວຽດນາມ ຢູ່ຄຽງຄ້າງອົງການໃຊ້ພາສາຝະລັ່ງ ສາກົນໃຫ້ຮູ້ວ່າ:
“ສຳລັບບາງປະເທດທີ່ໃຊ້ພາສາຝະລັ່ງເປັນພາສາແມ່ຫລືປະເທດອາຟຼິກກາຈຳນວນໜຶ່ງແລ້ວ, ການເຂົ້າຮ່ວມອົງການໃຊ້ພາສາຝະລັ່ງ ແມ່ນເລື່ອງປົກກະຕິ. ໃນຂະນະນັ້ນ, ຢູ່ຫວຽດນາມ, ພາສາຝະລັ່ງພຽງແຕ່ແມ່ນພາສາຕ່າງປະເທດເທົ່ານັ້ນ, ແຕ່ຍາມໃດຫວຽດນາມ ກໍ່ຖືການສິດສອນພາສາຝະລັ່ງ ເປັນສຳຄັນ. ດ້ານອື່ນ, ໂດຍແມ່ນສະມາຊິກຂອງອົງການໃຊ້ພາສາຝະລັ່ງ ສາກົນ, ຫວຽດນາມ ໄດ້ປະຕິບັດທຸກພັນທະຕໍ່ອົງການນີ້. ກອງປະຊຸມສຸດຍອດຄັ້ງນີ້ແມ່ນເວທີປາໄສໂອ້ລົມສົນທະນາທີ່ດີທີ່ສຸດເພື່ອພັດທະນາການພົວພັນສອງຝ່າຍກັບບັນດາປະເທດເອີລົບ, ອາເມລິກາ ເໜືອ ແລະ ບັນດາປະເທດອາຟຼິກກາ ກໍ່ຄືພັດທະນາການພົວພັນຮ່ວມມືດ້ານເສດຖະກິດ,ວັດທະນະທຳ, ການສຶກສາກັບປະເທດສະມາຊິກອື່ນໆອີກ“
Thuy Van ນັກຂ່າວ VOV ປະຈຳຝະລັ່ງ