(ພາບ: qdnd.vn)
(vovworld) - ວັນທີ 20/02, ຢູ່ຮ່າໂນ້ຍ, ພົນໂທ ຫງວຽນຈິວິ້ງ, ຮອງລັດຖະມົນຕີກະຊວງປ້ອງກັນປະເທດ ໄດ້ຕ້ອນຮັບຄະນະທີ່ປຶກສາດ້ານການທະຫານບັນດາປະເທດປະຈຳຫວຽດນາມ. ຕາງໜ້າໃຫ້ການນຳກະຊວງປ້ອງກັນປະເທດ, ພົນໂທ ຫງວຽນຈິວິ້ງ ຢືນຢັນວ່າ ຫວຽດນາມ ປະຕິບັດແຜນນະໂຍບາຍຫັນເປັນຫຼາຍຝ່າຍ, ຫຼາຍຮູບຫຼາຍແບບ, ເປັນເພື່ອນມິດ, ເປັນຄູ່ຮ່ວມມືທີ່ໄວ້ເນື້ອເຊື່ອໃຈກັບທຸກໆປະເທດໃນໂລກ. ເນື່ອງໃນໂອກາດນີ້, ພົນໂທ ຫງວຽນຈິວິ້ງ ຝາກຄຳຂອບອົກຂອບໃຈເຖິງການນຳທະຫານບັນດາປະເທດທີ່ໄດ້ສະໜັບສະໜູນ, ຊ່ວຍເຫຼືອກອງທັບປະຊາຊົນຫວຽດນາມ; ຂໍຂອບອົກຂອບໃຈຕໍ່ການຮ່ວມມືຢ່າງແໜ້ນແຟ້ນລະຫວ່າງທີ່ປຶກສາດ້ານການທະຫານປະເທດເຫຼົ່ານັ້ນກັບກະຊວງປ້ອງກັນປະເທດຫວຽດນາມ, ພ້ອມທັງປາດຖະໜາວ່າ ບັນດາທີ່ປຶກສາດ້ານການທະຫານຈະສືບຕໍ່ແມ່ນຂົວເຊື່ອມຕໍ່ຊຸກຍູ້ການພົວພັນລະຫວ່າງກອງທັບປະຊາຊົນຫວຽດນາມ ກັບກອງທັບຂອງແຕ່ລະປະເທດ ໃຫ້ນັບມື້ນັບໄດ້ຮັບການປັບປຸງ, ພັດທະນາ, ກ້າວເຂົ້າສູ່ລວງເລິກ, ມີປະສິດທິຜົນຢ່າງແທດຈິງ, ປະກອບສ່ວນສ້າງສະພາບແວດລ້ອມແຫ່ງສັນຕິພາບ, ມິດຕະພາບ, ສະຖຽນລະພາບ, ການຮ່ວມມື ແລະ ພັດທະນາວັດຖະນາຖາວອນ.