(vovworld) - “ເວທີປາໄສເສດຖະກິດ, ການຄ້າ ແລະ ທ່ອງທ່ຽວຫວຽດນາມ - ກວາງຕຸ້ງ” ເຊິ່ງຈັດຂຶ້ນໃນຕອນບ່າຍວັນທີ 30/8, ຢູ່ກວາງເຈົາ, ປະເທດຈີນ, ເນື່ອງໃນໂອກາດສະເຫຼີມສະຫຼອງ 67 ປີແຫ່ງວັນສະຖາປະນາ ສ.ສ ຫວຽດນາມ (02/09/1945 – 02/09/2012). ທີ່ເວທີປາໄສ, ບັນດາຜູ້ແທນໄດ້ແລກປ່ຽນຄຳເຫັນ, ແນະນຳ ແລະ ປຶກສາຫາລືກ່ຽວກັບສະພາບແວດລ້ອມແຫ່ງການລົງທຶນ, ທ່ອງທ່ຽວຢູ່ຫວຽດນາມ ກໍຄືກວາງຕຸງ. ບັນດາຜູ້ແທນໄດ້ຕີລາຄາ “ເວທີປາໄສເສດຖະກິດ, ການຄ້າ ແລະ ທ່ອງທ່ຽວຫວຽດນາມ - ກວາງຕຸ້ງ” ຄັ້ງນີ້ມີຄວາມໝາຍໃຫຍ່ຫຼວງ, ແທດຈິງທີ່ມີຕໍ່ບັນດາການນຳ, ວິສາຫະກິດ ແລະ ບັນດານັກລົງທຶນຂອງສອງຝ່າຍ. ບັນດາຜູ້ແທນຖືວ່າ ສອງຝ່າຍຄວນສ້າງເງື່ອນໄຂສະດວກເພື່ອໃຫ້ບັນດາວິສາຫະກິດກວາງຕຸ້ງ ເປີດກວ້າງຂອບຂະໜາດນຳເຂົ້າບັນດາຜະລິດຕະພັນທີ່ຫວຽດນາມ ມີທ່າແຮງຄື; ຜັກ, ໝາກໄມ້, ສິນໃນນ້ຳ, ເຄື່ອງເຟີນີເຈີ…
ຕອນຄໍ່າວັນດຽວກັນ, ກົງສູນໃຫຍ່ຫວຽດນາມ ປະຈຳກວາງເຈົາ ໄດ້ຈັດພິທີສະເຫຼີມສະຫຼອງ 67 ປີແຫ່ງວັນສະຖາປະນາປະເທດຫວຽດນາມ 02/09, ດ້ວຍການເຂົ້າຮ່ວມຂອງຜູ້ຕາງໜ້າອຳນາດການປົກຄອງແຂວງກວາງຕຸ້ງ; ຜູ້ຕາງໜ້າກົງສູນໃຫຍ່ຂອງ 40 ປະເທດປະຈຳກວາງຕຸ້ງ.