ທ່ານເອກອັກຄະລັດຖະທູດ ຜູ້ມີອຳນາດເຕັມແຫ່ງ ສສ. ຫວຽດນາມ ປະຈຳ ບູຖານ ຫງວຽນແທັງຫ໋າຍ ຍື່ນສານຕາຕັ້ງ ຕໍ່ກະສັດ ລາຊະອານາຈັກ ບູຖານ

ວັນທີ 14 ມິຖຸນາ, ທ່ານເອກອັກຄະລັດຖະທູດ ຜູ້ມີອຳນາດເຕັມແຫ່ງ ສສ. ຫວຽດນາມ ປະຈຳ ອິນເດຍທັງປະຈຳ ເນປານ ແລະ ບູຖານ ຫງວຽນແທັງຫ໋າຍ ໄດ້ຍື່ນສານຕາຕັ້ງ ຕໍ່ກະສັດ Jigme Khesar Namgyel Wangchuck ຢູ່ວັງ Tashichho Dzong, ນະຄອນຫຼວງ Thimpu, ລາຊະອານາຈັກ ບູຖານ. ທີ່ການພົບປະ, ທ່ານເອກອັກຄະລັດຖະທູດ ໄດ້ໃຫ້ຄຳໝັ້ນສັນຍາຈະ ມານະພະຍາຍາມຊຸກຍູ້ການພົວພັນລະຫວ່າງສອງປະເທດ, ເພີ່ມທະວີຄວາມເຂົ້າໃຈເຊິ່ງກັນແລະກັນ ແລະ ການຮ່ວມມືໃນຂົງເຂດທີ່ຕ່າງຝ່າຍຕ່າງມີຄວາມສົນໃຈ ແລະ ມີທ່າແຮງຄືການທ່ອງທ່ຽວແບບຍືນຍົງ, ກະສິກຳ, ປ່າໄມ້, ການຜະລິດເຄື່ອງເຟີນີເຈີ, ຕ່ຳແຜ່ນຕັດຫຍິບ, ການບໍລິການ…

ສ່ວນກະສັດ Wangchuck ກໍ່ຕີລາຄາສູງການເຄື່ອນໄຫວພົບປະແລກປ່ຽນປະຊາຊົນລະຫວ່າງສອງປະເທດ ເຊິ່ງໄດ້ຮັບການເພີ່ມທະວີ ແລະ ຖືວ່າ ນີ້ແມ່ນພື້ນຖານທີ່ສະດວກເພື່ອເພີ່ມທະວີການພົວພັນສອງປະເທດໃນຫຼາຍດ້ານຄື: ເສດຖະກິດ, ການຄ້າການລົງທຶນ…