ວັນທີ 29 ເມສາ, ສື່ມວນຊົນ ຕາເວັນອອກກາງ ໄດ້ໃຫ້ຂ່າວວ່າ, ຫົວໜ້າຂອງອົງການກໍ່ການຮ້າຍ ແຫ່ງລັດ ອິດສະລາມ (IS) ໂດຍອ້າງຊື່ເອງວ່າ Al Baghdadi ໄດ້ປະກົດຕົວໃນເທບວິດີໂອໂຄສະນາຂອງ IS ເຊິ່ງເຄືອຂ່າຍສື່ມວນຊົນ Al Furqan ຂອງກຸ່ມດັ່ງກ່າວຖະແຫຼງໃນ ສື່ສັງຄົມ Telegram. ນີ້ເປັນການປະກົດຕົວຄັ້ງທໍາອິດ ຂອງ ຫົວໜ້າ IS ໃນໄລຍະ 5 ປີ ຜ່ານມາ.

        ປັດຈຸບັນຍັງບໍ່ທັນຮູ້ຊັດເຈນວ່່າ ຮູບຖ່າຍດັ່ງກ່າວຖືກຖ່າຍໃນຈຸດເວລາໃດ, ແຕ່ໃນ ເທບ ວິດີໂອດັ່ງກ່າວ, Al Baghdadi ໄດ້ເຕື້ອງເຖິງສະພາບຄວາມເຄັ່ງຕຶງທີ່ແກ່ຍາວເປັນເວລາຫຼາຍເດືອນຜ່ານມາ ໃນການປະທະກັນຢູ່ Baghouz ເຊິ່ງເປັນເຮືອນຮັງສຸດທ້າຍຂອງ IS ຢູ່ພາກຕາເວັນອອກ ຊີຣີ. ຫົວໜ້າ IS ກໍຖະແຫຼງວ່າ ອົງການກໍ່ການຮ້າຍນີ້ ຈະຊອກຫາວິທີເພື່ອແກ້ແຄ້ນເລື່ອງ ບັນດາມືປືນຂອງ IS ຖືກ ທໍາລາຍ ແລະ ຈັບເຂົ້າຄຸກ.

        ກໍາລັງປ້ອງກັນຄວາມສະຫງົບ ອີຣັກ ຖືວ່າ Al Baghdadi ກໍາລັງດໍາລົງຊີວິດຢູ່ ຊີຣີ, ເຖິງວ່າ ເຄີຍຊອກຫາວິທີໄປຍັງ ອີຣັກ ມາເປັນຫຼາຍຄັ້ງ.