(VOVWORLD) - ຜູ້ຄົນທີ່ມີອາຍຸແຕ່ 16 – 17 ປີ ໄດ້ຮັບການສົ່ງເສີມໃຫ້ສັກວັກຊິນ Pfizer ຫຼື Moderna, ຕາມຄຳແນະນຳກ່ຽວກັບການສັກວັກຊິນໃຫ້ແກ່ໄວໜຸ່ມຢູ່ ອັງກິດ.
 (ພາບປະກອບ: Getty) |
ຊາວໜຸ່ມ, ເຍົາວະຊົນປະມານ 1,4 ລ້ານຄົນ ຢູ່ໃນເກ່ນອາຍຸ 16 – 17 ປີ ໃນທົ່ວປະເທດ ອັງກິດ ຄາດວ່າຈະໄດ້ຮັບການສັກວັກຊິນກັນພະຍາດໂຄວິດ - 19 ພາຍຫຼັງທີ່ລັດຖະບານໄດ້ຮັບຄຳປຶກສາຈາກບັນດານັກວິທະຍາສາດ.
ຜູ້ຄົນທີ່ມີອາຍຸແຕ່ 16 – 17 ປີ ໄດ້ຮັບການສົ່ງເສີມໃຫ້ສັກວັກຊິນ Pfizer ຫຼື Moderna, ຕາມຄຳແນະນຳກ່ຽວກັບການສັກວັກຊິນໃຫ້ແກ່ໄວໜຸ່ມຢູ່ ອັງກິດ. ເຖິງຢ່າງໃດກໍຕາມ, ປັດຈຸບັນ ຍັງບໍ່ຮູ້ວັນເວລາລະອຽດ ທີ່ຈະດຳເນີນການສັກວັກຊິນໃຫ້ແກ່ກຸ່ມເປົ້າໝາຍດັ່ງກ່າວ.
ໃນຂະນະນັ້ນ, ຄາດວ່າ ຮອດກາງເດືອນກັນຍານີ້, ບັນດາຜູ້ທີ່ຮອດກະສຽນອາຍຸທັງໝົດຢູ່ ອັງກິດ ຈະໄດ້ຮັບການສັກວັກຊິນກັນພະຍາດໂຄວິດ - 19 ຄົບ 2 ເຂັມ.