ທ່ານເລຂາທິການໃຫຍ່ຫງວຽນຟູຈ້ອງ ສະຫລຸບກອງປະຊຸມ
ພາບ:dantri.vn
|
(vovworld)- ກອງປະຊຸມຄັ້ງທີ 8 ຄະນະບໍລິຫານງານສູນກາງພັກຊຸດທີ 11 ໄດ້ອັດລົງພາຍຫລັງເຮັດວຽກມາເປັນເວລາ 10 ວັນ. ກ່າວຄຳເຫັນອັດກອງປະຊຸມ, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟູຈ້ອງ ໄດ້ຢືນຢັນວ່າ: ບັນດາລັດຖະນະໂຍບາຍໂດຍສູນກາງທີ່ວາງອອກໃນຄັ້ງນີ້ລ້ວນແຕ່ສຳຄັນ, ມີຜົນສະທ້ອນອັນໃຫຍ່ຫລວງເຖິງການປະຕິບັດຫນ້າທີ່ພັດທະນາເສດຖະກິດສັງຄົມ, ປັບປຸງການສຶກສາບຳລຸງສ້າງ, ກໍ່ສ້າງພັກ, ສ້າງລັດ, ປົກປັກຮັກສາປະເທດຊາດ, ພັດທະນາຂອງປະເທດຊາດ.ເມື່ອເຕື້ອງເຖິງການກຳນົດທິດ, ວາງຄາດໝາຍຫນ້າທີ່, ມາດຕະການຕົ້ນຕໍໃຫ້ແກ່ປີ 2014 ແລະ 2015, ທ່ານເລຂາທິການໃຫຍ່ ຫງວຽນຟູຈ້ອງ ໄດ້ເນັ້ນຫນັກວ່າ:
“ໃນສອງປີທີ່ຍັງເຫລືອຂອງຊຸດທີ 11 (2014-2015) ຕ້ອງມານະພະຍາຍາມກວ່າອີກເພ່ອປະຕິບັດຈຸດໝາຍ: ສືບຕໍ່ຮັກສາເສດຖະກິດມະຫາພາກເປັນປົກກະຕິ, ຄວບຄຸມໄພເງິນເຟີ້, ຮັກສາລະດັບຈະເລີນເຕີບໂຕ, ຍົກສູງຄຸນນະພາບ, ປະສິດທິຜົນການແກ້ງແຍ້ງບົນພື້ນຖານຍູ້ແຮງການປະຕິບັດ 3 ຂອດບຸກທະລຸຍຸດທະສາດຕິດພັນກັບການປ່ຽນໃຫມ່ຮູບແບບຈະເລີນເຕີບໂຕ, ສ້າງໂຄງປະກອບພື້ນຖານເສດຖະກິດຄືນໃຫມ່, ຮັບປະກັນສະຫວັດດີການ ແລະ ຮັບປະກັນຊີວິດສັງຄົມ, ປົວແປງຊີວິດການເປັນຢູ່.”
ກ່ຽວກັບຈຸດໝາຍປ່ຽນໃຫມ່ການສຶກສາບຳລຸງສ້າງໂດຍພື້ນຖານ ແລະ ຮອບດ້ານ, ສູນກາງໄດ້ຊີ້ແຈ້ງວ່າ ຕ້ອງສ້າງການຫັນປ່ຽນກ່ຽວກັບຄຸນນະພາບ ແລະ ປະສິດທິຜົນການສຶກສາບຳລຸງສ້າງໂດຍພື້ນຖານ. ຕ້ອງຫັນລະບົບການສຶກສາບຳລຸງສ້າງເປັນທັນສະໄຫມ, ເປັນບັນຫາຂອງສັງຄົມ, ປະຊາທິປະໄຕ, ເຊື່ອມໂຍງເຂົ້າກັບສາກົນ.
ກ່ຽວກັບບັນຫາສ້າງຮ່າງລັດຖະທຳມະນູນປີ 1992 ສະບັບປັບປຸງໃຫ້ສົມບູນແບບ, ຄະນະບໍລິຫານງານສູນກາງເຫັນດີເປັນເອກະສັນໂດຍຖືວ່າ: ເນື້ອໃນຮ່າງລັດຖະທຳມະນູນສ່ອງແສງໄດ້ເຈດຈຳນົງ ແລະ ຄວາມມຸ້ງມາດປາດຖະຫນາຂອງປະຊາຊົນທຸກຊັ້ນວັນນະ ແລະ ທ່ົວປວງຊົນທັງຊາດ, ສະແດງໃຫ້ເຫັນເນື້ອແທ້ປະຊາທິປະໄຕ, ຄວາມກ້າວຫນ້າຂອງລັດ ແລະລະບອບ ຫວຽດນາມໃນໄລຍະຂ້າມຜ່ານກ້າວຂຶ້ນສັງຄົມນິຍົມຢ່າງຈະແຈ້ງ ແລະຄົບຖ້ວນ.