ອັດກອງປະຊຸມສຸດຍອດຄັ້ງທີ17ຂະບວນການບໍ່ຮ່ວມກຸ່ມ
ປະທານາທິບໍດີ Venezuela Nicolas Maduro ກ່າວຄຳເຫັນທີ່ການປະຊຸມຂ່າວພາຍຫຼັງກອງປະຊຸມ
(ພາບ: AFP/TTXVN)
|
(vovworld) -ຕອນຄ່ຳວັນທີ 18/9, ກອງປະຊຸມສຸດຍອດຄັ້ງທີ 17 ຂະບວນການບໍ່ຮ່ວມກຸ່ມໄດ້ອັດລົງຢູ່ເກາະ Margarita, ປະເທດ Venezuala. ກອງປະຊຸມໄດ້ຮັບຮອງເອົາເອກະສານສຸດທ້າຍຍົກອອກຫຼັກໝັ້ນລວມຂອງຂະບວນການບໍ່ຮ່ວມກຸ່ມ ກ່ຽວກັບບັນດາບັນຫາທົ່ວໂລກ, ເຊີດຊູລັດທິຫຼາຍຝ່າຍ, ບົດບາດຂອງກົດໝາຍສາກົນ, ໃນນັ້ນມີບັນດາຫຼັກການພື້ນຖານກ່ຽວກັບການເຄົາລົບອະທິປະໄຕ, ບໍ່ແຊກແຊງເຂົ້າວຽກງານພາຍໃນຂອງປະເທດຕ່າງໆ, ແກ້ໄຂບັນດາຄວາມຂັດແຍ້ງ, ຊຸກຍູ້ການຫລຸດຜ່ອນອາວຸດ, ພິເສດແມ່ນອາວຸດນິວເຄຍ, ຕັດສິນໃຈຕ້ານການກໍ່ການຮ້າຍ, ຊຸກຍູ້ວິວັດທະນາການປະຕິຮູບ ສປຊ. ນອກຈາກນັ້ນ, ເອກະສານກໍ່ຮຽກຮ້ອງເລື່ອງປະຕິບັດສັນຍາ ປາຣີ ກ່ຽວກັບການປ່ຽນແປງຂອງດິນຟ້າອາກາດຕ້ອງປະຕິບັດຕາມຫຼັກການຍຸຕິທຳ, ມີຄວາມຮັບຜິດຊອບລວມ ແຕ່ມີຄວາມແຕກຕ່າງກັນກໍ່ຄືຮຽກຮ້ອງໃຫ້ບັນດາປະເທດພັດທະນາມີບາດກ້າວລະອຽດເພື່ອແນໃສ່ປະຕິບັດຄຳໝັ້ນສັນຍາລະດົມຈຳນວນເງິນ 100 ຕື້ USD ກ່ອນປີ 2020, ປະກອບສ່ວນຮັບມືກັບການປ່ຽນແປງຂອງດິນຟ້າອາກາດ, ຢັ້ງຢືນຄວາມສຳຄັນຂອງການຄຸ້ມຄອງບັນດາປະເທດສັງລວມ ແລະ ນຳໃຊ້ແຫຼ່ງນ້ຳໃຫ້ຍືນຍົງ… ກ່ຽວກັບບັນຫາທະເລຕາເວັນອອກ, ເອກະສານຮຽກຮ້ອງໃຫ້ບັນດາປະເທດແກ້ໄຂການຂັດແຍ້ງອະທິປະໄຕ, ຜືນແຜ່ນດິນໂດຍສັນຕິວິທີ, ບໍ່ນຳໃຊ້ ຫຼື ນາບຂູ່ນຳໃຊ້ກຳລັງອາວຸດ, ປະຕິບັດການຄວບຄຸມ, ສະໜັບສະໜູນບັນດາຫຼັກການຂອງຖະແໜງການວ່າດ້ວຍການປະພຶດຂອງຝ່າຍຕ່າງໆຢູ່ທະເລຕາເວັນອອກ (DOC), ສົນທິສັນຍາຂອງ ສປຊ ກ່ຽວກັບກົດໝາຍວ່າດ້ວຍທະເລປີ 1982 (UNCLOS 1982), ໃຫ້ຄຳໝັ້ນສັນຍາຮັບປະກັນຕຄວາມເສລີໃນການເດີນເຮືອ, ການບິນເໝາະສົມກັບບັນດາຫຼັກການຂອງກົດໝາຍສາກົນ, ອາຊຽນ ແລະ ຈີນ ຕ້ອງມານະພະຍາຍາມປະຕິບັດ DOC ເພື່ອແນໃສ່ມຸ່ງໄປເຖິງກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC) ໂດຍໄວ.