ວັນທີ 9/12, ກອງປະຊຸມສຸດຍອດສະຫະພາບເອີລົບ ຫລືອີຢູໄດ້ອັດລົງ, ບັນດາການນຳໃນພາກພື້ນໄດ້ເຫັນດີເປັນເອກະສັນ ກັບບັນດາຫລັກການທີ່ເຂັ້ມງວດກ່ວາ ກ່ຽວກັບດ້ານງົບປະມານສຳລັບເຂດໃຊ້ສະກູນເງິນເອີໂຣ ແຕ່ບໍ່ບັນລຸໄດ້ຄວາມເຫັນດີເຫັນພ້ອມກັບຂໍ້ສະເໜີຂອງຝະລັ່ງ ແລະເຢັຍລະມັນທີ່ກ່ຽວຂ້ອງເຖິງການປັບປຸງສົນທິສັນຍາ Lisbon. ແທນໃຫ້ນັ້ນ, ບັນດາການນຳໄດ້ຕົກລົງຮຽບຮຽງ “ສົນທິສັນຍາການເງິນ” ສະບັບໜື່ງ ອີງບົນສົນທິສັນຍາລະຫວ່າງລັດຖະບານ, ພຽງແຕ່ນຳໃຊ້ໃຫ້ແກ່ເຂດໃຊ້ສະກູນເງິນເອີໂຣ ຫລື eurozone ແລະບັນດາປະເທດເຂົ້າຮ່ວມສົນທິສັນຍານີ້. “ສົນທິສັນຍາການເງິນ” ສະບັບໃໝ່ຖືກຖືວ່າແມ່ນ “ຫລັກການທີ່ດີ” ເພື່ອແນໃສ່ຮັດແໜ້ນລະບຽບການກ່ຽວກັບງົບປະມານ ດ້ວຍຈຸດໝາຍຫລີກເວັ້ນການເກີດວິກິດການໜີ້ສິນຂອງລັດຄືນໃໝ່.