ອັດຊຸດຝຶກອົບຮົມພະນັກງານອົງການກາແດງສປປ.ລາວ
Dieu Hong -
2 ຄະນະໄດ້ຖ່າຍຮູບທີ່ລະນຶກ
(vovworld) – ຕອນບ່າຍວັນທີ 11/9, ຢູ່ຮ່າໂນ້ຍ, ສູນກາງສະພາກາແດງ ຫວຽດນາມ ໄດ້ຈັດພິທີອັດຊຸດຝຶກອົບຮົມກ່ຽວກັບວຽກງານມະນຸດສະທຳໃຫ້ພະນັກງານອົງການກາແດງ ສປປ. ລາວ. ໃນການຮຳ່ຮຽນ ແລະ ເຮັດວຽກຢູ່ ຫວຽດນາມ ມາເປັນເວລາ 3 ອາທິດ, ພະນັກງານອົງການກາແດງຈາກບັນດາແຂວງ, ນະຄອນຂອງລາວ 20 ຄົນໄດ້ຝຶກອົບຮົມດ້ານຄວາມຮູ້ກ່ຽວກັບການເຄື່ອນໄຫວມະນຸດສະທຳ, ໄປທັດສະນະສຶກສາບັນດາແບບຢ່າງຢູ່ 4 ແຂວງຄື: ຕວຽນກວາງ, ຫວີງຟູກ, ແທງຮ່ວາ ແລະ ກວາງນິງ. ກ່າວຄຳເຫັນທີ່ພິທີອັດ, ທ່ານ ຫງວຽນກວກເຢີນ, ກຳມະການຜູ້ປະຈຳການສູນກາງສະພາກາແດງ ຫວຽດນາມ, ຜູ້ອຳນວຍການສູນບຳລຸງສ້າງພະນັກງານສູນກາງສະພາກາແດງ ຕີລາຄາສູງນ້ຳໃຈຮຳ່ຮຽນຂອງບັນດາພະນັກງານກາແດງລາວທີ່ເຂົ້າຮ່ວມຊຸດຮຽນວ່າ:
“ນັກສຳມະນາກອນເຂົ້າຮ່ວມຊຸດຝຶກອົບຮົມດ້ວຍຈິດໃຈເຄັ່ງຂຶມ, ຍາມໃດກໍ່ປະຕິບັດບັນດາຂໍ້ກຳນົດຂອງຊຸດຮຽນເປັນຢ່າງດີ, ຕັ້ງໜ້າ, ເປັນເຈົ້າການໃນການແບ່ງປັນບົດຮຽນ, ຖາມ - ຕອບ, ຄົ້ນຄ້ວາ ເອກະສານ... ໃນໄລຍະຮຳ່ຮຽນ, ແລກປ່ຽນບົດຮຽນຢູ່ ຫວຽດນາມ, ຄະນະໄດ້ສ້າງຄວາມປະທັບໃຈ, ອາລົມຈິດອັນດີງາມ, ຄວາມສາມັກຄີ, ສະໜິດຕິພັນຖານອ້າຍນ້ອງ ຫວຽດນາມ - ລາວ ໃຫ້ພະນັກງານ, ສະມາຊິກສະພາກາແດງ ແລະ ປະຊາຊົນທ້ອງຖີ່ນບ່ອນທີ່ຄະນະໄປຢາມ.”
ທີ່ພິທີ, ບັນດານັກສຳມະນາກອນໄດ້ຮັບໄບຢັ້ງຢືນຂອງຊຸດຝຶກອົບຮົມ. ເນື່ອງໃນໂອກາດນີ້, ກໍ່ໄດ້ເຊັນຂໍ້ຕົກລົງຮ່ວມມືກ່ຽວກັບການແລກປ່ຽນຄະນະ, ແລກປ່ຽນຂໍ້ມູນຂ່າວ, ການເຄື່ອນໄຫວມະນຸດສະທຳລະຫວ່າງ 10 ແຂວງມີເສັ້ນຊາຍແດນຕິດຈອດກັນລະຫວ່າງ ຫວຽດນາມ - ລາວ.
Dieu Hong