(vovworld) - ວັນທີ 19/10, ເວທີປາໄສປະຊາຊົນອາຊີ - ເອີລົບ ຄັ້ງທີ 9 (AEPF 9) ໄດ້ອັດລົງຢູ່ນະຄອນຫຼວງວຽງຈັນ ພາຍຫຼັງທີ່ເຮັດວຽກມາເປັນເວລາ 5 ວັນ. ດ້ວຍຫົວຂ້ໍຕົ້ນຕໍ່ວ່າ “ປະຊາຊົນສາມັກຄີຕ້ານຄວາມອຶດຫິວທຸກຍາກ ແລະ ເພື່ອການພັດທະນາແບບຍື່ນຍົງ”, ເວທີປາໄສຄັ້ງນີ້ໄດ້ສຸມໃສ່ປຶກສາຫາລື 4 ຫົວຂໍ້ຕົ້ນຕໍນັ້ນແມ່ນ: ການຄ້ຳປະກັນະບຽງອາຫານ, ການຄຸ້ມຄອງຊັບພະຍາກອນທຳມະຊາດ, ທີ່ດິນ ແບບຍືນຍົງ; ການຜະລິດ, ການນຳໃຊ້ພະລັງງານແບບຍືນຍົງລວມເຖິງຄວາມຍຸຕິທຳໃນການສ້າງວຽກເຮັດງານທຳ ແລະ ບັນຫາທຳມາຫາກິນແບບຍືນຍົງ. ນອກຈາກນັ້ນ, ບັນດາຜູ້ແທນກໍປຶກສາຫາລື 36 ຫົວຂໍ້ອື່ນອີກ. ເວທີປາໄສໄດ້ອອກຖະແຫຼງການຊີ້ແຈ້ງວ່າ AEPF 9 ດຳເນີນກົງກັບເວລາທີ່ມີຄວາມໝາຍສຳຄັນ ແລະ ມີລັກສະນະປະຫວັດສາດດ້ວຍຈຸດສຸມແມ່ນຕ້ານຄວາມບໍ່ຍຸຕິທຳ, ບໍ່ສະເຫມີພາບ ແລະ ທຸກຍາກເຊິ່ງປະຊາຊົນອາຊີ ແລະ ເອີລົບພວມຕ້ອງຜ່ານຜ່າ. ອັນທີ່ເອື້ນວ່າ ວິກິດການການເງິນ ແມ່ນຄວາມຈິງແມ່ນສ່ວນໜຶ່ງຂອງບັນດາວິກິດການທີ່ມີສ່ວນກ່ຽວຂ້ອງຢ່າງສະໜິດແໜ້ນນຳກັນຄື: ສະບຽງອາຫານ, ພະລັງງານ, ດິນຟ້າອາກາດ, ຄວາມປອດໄພຂອງມະນຸດ… ທີ່ພວມສົ່ງພົນສະທ້ອນເຖິງປະຊາຊົນນັບລ້ານຄົນຢູ່ອາຊີ ແລະ ເອີລົບ. ຊ່ອງວ່າງລະຫວ່າງຄວາມເຮັ່ງມີ - ທຸກຍາກ ພວມເພີ່ມຂຶ້ນ, ການສຳພັດກັບບັນດາແຫຼ່ງຊັບພະຍາກອນ, ໂອກາດທຳມະຫາກິນ ແລະ ບັນດາການບໍລິການພື້ນຖານຍັງບໍ່ຍຸຕິທຳເທື່ອ. ຖະແຫຼງການໄດ້ຮຽກຮ້ອງບັນດາລັດຖະບານທີ່ເວທີປາໄສອາຊີ - ເອີລົບ ມີການເຄື່ອນໄຫວຕ່າງໆຢ່າງແທດຈິງ, ເດັດດຽວ ແລະ ທັນການເພື່ອແກ້ໄຂບັນດາບັນຫາດັ່ງກ່າວ.