ທ່ານປະທານາທິບໍດີ Hassan Rouhani ເນັ້ນໜັກວ່າ, ອາເມລິກາ ຖືກປະລາໄຊໃນການກີດຂວາງການເຄື່ອນໄຫວສົ່ງອອກນ້ຳມັນຂອງອີຣານ ຍ້ອນອາເມລິກາ ບໍ່ໄດ້ຮັບການສະໜັບສະໜູນທີ່ຈຳເປັນຂອງປະຊາຄົມສາກົນສຳລັບບັນດາມາດຕະການລົງໂທດແນໃສ່ອີຣານ. ທ່ານ Rouhani ຖືວ່າ, ອາເມລິກາ ພວມຖືກປິດລ້ອມ, ໃນຂະນະທີ່ ເຕເຮຣານ ພັດໄດ້ຮັບການສະໜັບສະໜູນຈາກຫຼາຍປະເທດ.

        ໃນຕົວຈິງ, ສະຫະພາບເອີລົບ (ອີຢູ), ຝລັ່ງ, ເຢຍລະມັນ, ອັງກິດ, ລັດເຊຍ ແລະ ຈີນ, ເຊິ່ງແມ່ນບັນດາປະເທດເຂົ້າຮ່ວມຂໍ້ຕົກລົງນິວເຄຼຍກັບອີຣານ ເມື່ອປີ 2015 ພ້ອມກັບອາເມລິກາ, ພວມມານະພະຍາຍາມຊອກຫາວິທີທຳລາຍບັນດາມາດຕະການຈຳກັດຂອງອາເມລິກາ ຕໍ່ອີຣານ.