(vovworld) - ວັນທີ 04/06, ທ່ານລັດຖະມົນຕີຊ່ວຍວ່າການກະຊວງການຕ່າງປະເທດ ອີຣານ Abbas Araghchi ໃຫ້ຮູ້ວ່າ, ປະເທດນີ້ ແລະ ກຸຸ່ມ P5+1 (ເຊິ່ງລວມມືອັງກິດ, ຝລັ່ງ, ອາເມລິກາ, ຈີນ, ລັດເຊຍ ແລະ ເຢຍລະມັນ) ບັນລຸໄດ້ “ຄວາມຄືບໜ້າສຳຄັນ” ມຸ່ງໄປເຖິງຂໍ້ຕົກລົງສຸດທ້າຍ ກ່ຽວກັບໂຄງການນິວເຄຼຍເຕເຣຣານ ກ່ອນກຳນົດເສລາສຸດທ້າຍໃນວັນທີ 30/06 ຈະມາເຖິງ. ສ່ືສານແຫ່ງລັດອີຣານ ໄດ້ຄັດຄຳກ່າວປາໄສຂອງທ່ານ Araghchi ເມື່ອໄປຮອດວຽນ, ປະເທດໂອຕລິດ ເພື່ອເຂົ້າຮ່ວມຮອບເຈລະຈານິວເຄຼຍຄັ້ງໃໝ່ສຸດ, ຊີ້ແຈ້ງວ່າ, ອີຣານ ແລະ ກຸ່ມ P5+1 ບັນລຸໄດ້ຄວາມຄືບໜ້າສຳຄັນກ່ຽວກັບເອກະສານສະບັບສຸດທ້າຍ, ແຕ່ສຳລັບສ່ວນເພີ່ມເຕີມຍັງບໍ່ທັນບັນລຸໄດ້, ສະນັ້ນຈະສືບຕໍ່ເຈລະຈາ. ທ່ານກໍ່ຍອມຮັບວ່າ, ເລື່ອງບັນລຸໄດ້ຂໍ້ຕົກລົງສຸດທ້າຍແມ່ນວຽກງານທີ່ຫຍຸ້ງຍາກ, ສັບສົນ. ບັນດາການເຈລະຈາໃນອາທິດກ່ອນຢູ່ເຊີແນວ, ປະເທດສະວິດ ບໍ່ສາມາດຮັດແຄບຄວາມບໍ່ລົງລອຍກັນລະຫວ່າງວໍຊິງຕັນ ແລະ ເຕເຣຣານ ໃນບັນຫາຕົ້ນຕໍ່ ແມ່ນການກວດກາບັນດາຮາກຖານການທະຫານຂອງອີຣານ ໄດ້.