(vovworld) – ວັນທີ 8/10, ກະຊວງການຕ່າງປະເທດ ອີຣານ ໃຫ້ຮູ້ວ່າ, ປະເທດນີ້ ແລະ ບັນດາປະເທດມະຫາອຳນາດໃນໂລກ ເຫັນດີເປັນເອກະສັນດຳເນີນຮອບເຈລະຈານິວເຄຼຍ 2 ຝ່າຍ ແລະ ຫຼາຍຝ່າຍຕໍ່ໄປໃນອາທິດໜ້າຢູ່ນະຄອນຫຼວງ ວຽນ, ປະເທດ ໂອຕຣິດ ເພື່ອແນໃສ່ລົບລ້າງບັນດາການຖົກຖຽງກັນກ່ຽວຂ້ອງເຖິງໂຄງການນິວເຄຼຍຂອງ ເຕເຮຣານ. ກ່າວຄຳເຫັນທີ່ການປະຊຸມຂ່າວປະຈຳອາທິດ ທີ່ຖ່າຍທອດສົດທາງໂທລະພາບແຫ່ງຊາດ, ໂຄສົກກະຊວງການຕ່າງປະເທດ ອີຣານ Marzieh Afkham ຮອງຮັບຂໍ້ມູນຂ່າວດັ່ງກ່າວ, ພ້ອມທັງໃຫ້ຮູ້ວ່າ: ວັນເວລາດຳເນີນການເຈລະຈາ ຈະໄດ້ປະກາດຕາມພາຍຫຼັງ. ອີຣານ ແລະ ກຸ່ມ P5+1 ໄດ້ວາງຈຸດເວລາສຸດທ້າຍໃນວັນທີ 24/11 ຈະມາເຖິງ ເພື່ອບັນລຸໄດ້ຂໍ້ຕົກລົງຮອບດ້ານກ່ຽວກັບບັນຫານິວເຄຼຍຂອງ ອີຣານ.