ເປົ້າໝາຍຂອງແຜນຮ່າງແມ່ນ ຮອດທ້າຍປີ 2025, ທົ່ວປະເທດປູກຕົ້ນໄມ້ຂຽວໃຫ້ໄດ້ 1 ຕື້ຕົ້ນ (ພາບປະກອບ: TTXVN)

ນາຍົກລັດຖະມົນຕີຫາກໍ່ປະກາດຂໍ້ຕົກລົງອະນຸມັດຜ່ານແຜນຮ່າງ “ປູກຕົ້ນໄມ້ໃຫ້ໄດ້ 1 ຕື້ຶຕົ້ນໃນໄລຍະ 2021 - 2025”. ເປົ້າໝາຍຂອງແຜນຮ່າງແມ່ນ ຮອດທ້າຍປີ 2025, ທົ່ວປະເທດປູກຕົ້ນໄມ້ຂຽວໃຫ້ໄດ້ 1 ຕື້ຕົ້ນ, ໃນນັ້ນປູກຕົ້ນໄມ້ 690 ລ້ານຕົ້ນ ກະແຈກກະຈາຍຢູ່ບັນດາເຂດຕົວເມືອງ ແລະ ເຂດຊົນນະບົດ, ປູກຕົ້ນໄມ້ 310 ລ້ານຕົ້ນ ໄດ້ປູກລວມສູມໃນເຂດປ່າປ້ອງກັນ, ປ່າສະເພາະ ແລະ ປູກປ່າໃໝ່, ເພື່ອແນໃສ່ປົກປັກຮັກສາຊີວະນາໆພັນ, ປັບປຸງທິວທັດທຳມະຊາດ, ຮັບມືກັບການປ່ຽນແປງຂອງດິນຟ້າອາກາດ, ການພັດທະນາເສດຖະກິດ-ສັງຄົມ, ຍົກສູງຊີວິດການເປັນຢູ່ຂອງປະຊາຊົນ ແລະ ການພັດທະນາແບບຍືນຍົງຂອງປະເທດຊາດ. ແຜນຮ່າງຊີ້ແຈ້ງວ່າ, ການພັດທະນາຕົ້ນໄມ້ຂຽວຕ້ອງມີການເຂົ້າຮ່ວມຂອງທັງລະບົບການເມືອງ, ອົງການຈັດຕັ້ງ, ຄອບຄົວ, ສ່ວນບຸກຄົນ; ເສີມຂະຫຍາຍມູນເຊື້ອປູກຕົ້ນໄມ້ໂດຍປະທານໂຮ່ຈີມິນ ປຸກລະດົມ, ນຳເລື່ອງປູກຕົ້ນໄມ້ໃຫ້ກາຍເປັນຂະບວນການແຂ່ງຂັນຢ່າງແທດຈິງ, ມີປະສິດທິຜົນຂອງທຸກຂັ້ນ, ທຸກຂະແໜງການ, ໃນແຕ່ລະເຂດຊຸມຊົນ ດ້ວຍການຕັ້ງໜ້າເຂົ້າຮ່ວມຂອງປະຊາຊົນທຸກຄົນ…