ເດັກນ້ອຍຢູ່ ນິວຢອກ, ອາເມລິກາ 100 ຄົນ ໄດ້ຮັບການບົ່ງມະຕິພະຍາດ ຕິດອາການແປກປະຫລາດທີ່ກ່ຽວຂ້ອງເຖິງໂຄວິດ-19, ມີ 3 ຄົນຖືກເສຍຊີວິດ. ປັດຈຸບັນ, ພະແນກສາທາລະນະສຸກລັດນິວຢອກ ພວມປິ່ນປົວ ແລະ ຊອກຫາສາຍເຫດທີ່ເຮັດໃຫ້ເດັກນ້ອຍຕິດອາການແປກປະຫລາດທີ່ອັນຕະລາຍດັ່ງກ່າວ ເຊິ່ງໄດ້ຮັບຖືວ່າ ມີສ່ວນກ່ຽວຂ້ອງເຖິງໄວຣັດ SARS-CoV-2.

        ທ່ານ Bill de Blasio ເຈົ້າຄອງນະຄອນນິວຢອກ ກໍ່ມີຄວາມຕົກສະເງີ້ກ່ຽວກັບບັນດາການຜັນແປດັ່ງກ່າວ, ທ່ານໃຫ້ຮູ້ວ່າ ນະຄອນພວມຕັ້ງໜ້າຜັນຂະຫຍາຍເປີດກ້ວາງການວິໄຈ ແລະ ສືບຫາການສຳຜັດ. ໃນ 3 ອາທິດຈະມາເຖິງ, ຈະເປີດຈຸດວິໄຈໃໝ່ 12 ຈຸດ ເພື່ອເພີ່ມຄວາມສາມາດໃນການວິໄຈຂຶ້ນທົບສອງເທົ່າໃນລະບົບໂຮງໝໍສາທາລະນະຂອງນະຄອນນິວຢອກ.