ອາຊຽນ ໃຫ້ຄຳໝັ້ນສັນຍາຈະ ເພີ່ມທະວີການຮ່ວມມືກັບ ສປຊ
ທ່ານປະທານສະມັດຊາໃຫ່ຍ ສປຊ ຊຸດທີ 67
(ພາບ:ອິນເຕີແນັດ)
(TTX)- ກອງປະຊຸມລັດຖະມົນຕີການຕ່າງປະເທດສະຫະສະມາຄົມປະຊາຊາດອາຊີຕາເວັນອອກສ່ຽງໃຕ້ (ອາຊຽນ) ກັບທ່ານເລຂາທິການໃຫ່ຍ ສປຊ ແລະ ປະທານສະມັດຊາໃຫ່ຍ ສປຊ ຊຸດທີ 67 ຫາກໍ່ຈັດຂຶ້ນຢູ່ນອກກອງປະຊຸມຂອງສະມັດຊາໃຫ່ຍ ສປຊ ຢູ່ນິວຢອກ ປະເທດອາເມລິກາ ໄດ້ຢືນຢັນວ່າ: ອາຊຽນ ແລະ ສປຊ ຈະສືບຕໍ່ເພີ່ມທະວີການຮ່ວມມືໃນໄລຍະທີ່ຈະມາເຖິງ. ກອງປະຊຸມຄັ້ງນີ້ ພິຈາລະນາການປະຕິບັດການພົວພັນຄູ່ຮ່ວມມືຮອບດ້ານລະຫວ່າງອາຊຽນ-ຈີນ ບົນພື້ນຖານບົດລາຍງານລວມຂອງຄະນະເລຂາອາຊຽນ ແລະ ສປຊ; ປຶກສາຫາລືກ່ຽວກັບການກະກຽມກໍ່ຄືບັນດາບັນຫາຕົ້ນຕໍໃຫ້ແກ່ກອງປະຊຸມສຸດຍອດອາຊຽນ-ສປຊ ຄັ້ງທີ 5 ຊື່ງຄາດວ່າຈະຈັດຂຶ້ນຢູ່ພະນົມເປັນ ປະເທດກຳປູເຈຍ ໃນວັນທີ 20/11 ທີ່ຈະມາເຖິງ; ຮຽກຮ້ອງໃຫ້ສອງອົງການຈົ່ງເພີ່ມທະວີການຮ່ວມມືຄືດັ່ງໄດ້ວາງອອກໃນຖະແຫຼງການຮ່ວມ. ບັນດາທ່ານລັດຖະມົນຕີອາຊຽນ ຢືນຢັນວ່າ: ອາຊຽນ ແມ່ນພາກສ່ວນໜຶ່ງທີ່ບໍ່ສາມາດຕັດແຍກອອກຈາກປະຊາຄົມໂລກໄດ້ ສ່ວນທ່ານເລຂາທິການໃຫ່ຍ ສປຊ ແລະ ປະທານສະມັດຊາໃຫ່ຍ ສປຊ ຊຸດທີ 67 ໄດ້ຢືນຢັນອີກເທື່ອໜື່ງວ່າ ສປຊ ພ້ອມແລ້ວທີ່ຈະຮ່ວມມືຢ່າງແໜ້ນແຟ້ນກັບບັນດາປະເທດອາຊຽນ ເພື່ອແນໃສ່ໜູນຊ່ວຍອາຊຽນ ປະຕິບັດບັນດາຈຸດໝາຍທີ່ໄດ້ວາງອອກໃຫ້ສຳເລັດຜົນ.