ພາບປະກອບ:internet
|
(vovworld)-ລັດຖະບານ ອາເມລິກາ ຫາກໍ່ສະຫນອງ 524.000 USD ເພື່ອຫນູນຊ່ວຍບັນດາຜູ້ປະສົບເຄາະຮ້າຍຈາກລູກລະເບີດຢູ່ຫວຽດນາມ ຜ່ານອົງການບໍ່ຂຶ້ນກັບລັດຖະບານ Clear Path Internationa. ຜູ້ຕາງຫນ້າອົງການດັ່ງກ່າວໃຫ້ຮູ້ວ່າ: ອົງການນີ້ໄດ້ຮັບບ້ວງເງິນຊ່ວຍເຫລືອຫລ້າ 524.000 USD ຈາກກະຊວງການຕ່າງປະເທດອາເມລິກາ ເພື່ອສືບຕໍ່ເປີດກວ້າງໂຄງການຊ່ວຍເຫລືອໃຫ້ແກ່ຜູ້ປະສົບເຄາະຮ້າຍຈາກລູກລະເບີດທີ່ຍັງຕົກຄ້າງຈາກສົງຄາມຢູ່ຫວຽດນາມ. ທ່ານ Jay Sklar ຜູ້ອຳນວຍການໂຄງການອາຊີຕາເວັນອອກສຽງໃຕ້ຂຶ້ນກັບອົງການດັ່ງກ່າວໃຫ້ຮູ້ວ່າ: ບ້ວງເງິນດັ່ງກ່າວຈະໄດ້ນຳໃຊ້ເພື່ອເປີດກວ້າງການເຄື່ອນໄຫວປະຈຸບັນຂອງອົງການ. ເມື່ອເກີດອຸບັດຕິເຫດ, ພວກຂ້າພະເຈົ້າຈະຫນູນຊ່ວຍຈຳນວນເງິນເພື່ອໃຫ້ຜູ້ປະສົບເຄາະຮ້າຍປິ່ນປົວ ພ້ອມທັງສະຫນອງບັນດາບໍລິການລ້ຽງສັດ,ປູກຕົ້ນໄມ້ ຫລືອຸປະກອນກະສິກຳເພື່ອຊ່ວຍເຂົາເຈົ້າປັບປຸງຊີວິດການເປັນຢູ່. ນອກນັ້ນຍັງປະຕິບັດໂຄງການສຶກສາຊ່ວຍຊາວທ້ອງຖິ່ນຍົກສູງຄວາມຮັບຮູ້ກ່ຽວກັບຄວາອັນຕະລາຍຂອງລູກລະເບີດ.