(vovworld) - ໃນການກະທຳທີ່ສະແດງໃຫ້ເຫັນຄວາມກະກຽມພ້ອມຮ່ວມມືເພື່ອຮັບມືກັບອົງການກໍ່ການຮ້າຍລັດອິດສະລາມ (IS) ອ້າງຊື່ເອງ, ອາເມລິກາ ແລະ ລັດເຊຍ ຈະສົມທົບກັນກະຕຸກຊຸກຍູ້ສະພາຄວາມໝັ້ນຄົງສະຫະປະຊາຊາດ ຮັບຮອງເອົາມະຕິຮຽກຮ້ອງປະຕິບັດບັນດາມາດຕະການທີ່ແຂງກ້າ ເພື່ອຕັດແຫຼ່ງສະໜອງດ້ານການເງິນຂອງ IS ກໍຄືບັນດາກຸ່ມກໍ່ການຮ້າຍອື່ນໆ. ການກະທຳສົມທົບກັນທີ່ຫາຍາກນີ້ລະຫວ່າງອາເມລິກາ ແລະ ລັດເຊຍ ທີ່ວາລະປະຊຸມຂອງສະພາຄວາມໝັ້ນຄົງສະຫະປະຊາຊາດ ໃນວັນທີ 17/12, ຖືກດຳເນີນກ່ອນກອງປະຊຸມຂອງກຸ່ມໜູນຊ່ວຍຊີຣີ ລວມມີ 17 ສະມາຊີກຢູ່ນິວຢອກ 1 ວັນ. ຄາດຄະເນວ່າ, ທີ່ກອງປະຊຸມ, ສະພາຄວາມໝັ້ນຄົງຈະຮັບຮອງເອົາມະຕິກ່ຽວກັບກົນໄກຄວ້ຳບາດ, ໃນນັ້ນເນັ້ນໜັກເຖິງເລື່ອງເພີ່ມທະວີບັນດາມາດຕະການທີ່ແຂງກ້າກວ່າ ແລະ ນຳ IS ເຂົ້າບັນຊີລາຍຊື່ຖືກລົງໂທດ. ຮ່າງມະຕິດັ່ງກ່າວໂດຍລັດເຊຍ ແລະ ອາເມລິກາ ສົມທົບກັນປະຕິບັດ ເພື່ອເນັ້ນໜັກເຖິງການປະຕິບັດບັນດາມາດຕະການລົງໂທດຄື: ປິດລ້ອມຊັບສົມບັດ, ເກືອດຫ້າມການໄປມາ ແລະ ຄວ້ຳບາດດ້ານກຳລັງອາວຸດ.