ບັນດາວາລະອະພິປາຍແກ່ຍາວຮອດວັນທີ 12 ສິງຫາ (ພາບປະກອບ: AP/TTXVN)

ວັນທີ 11 ສິງຫາ, ຄະນະກຳມະການລົບລ້າງການຈຳແນກເຊື້ອຊາດຜິວພັນ (CERD) ຂອງສະຫະປະຊາຊາດ ໄດ້ເລີ່ມດຳເນີນວາລະອະພິປາຍຢູ່ ເຊີແນວ (ສະວິດ) ເພື່ອແນໃສ່ຕີລາຄາເລື່ອງ ອາເມລິກາ ເຄົາລົບບັນດາພັນທະສາກົນໃນການຕ້ານການຈຳແນກເຊື້ອຊາດຜິວພັນ. ບັນດາວາລະອະພິປາຍແກ່ຍາວຮອດວັນທີ 12 ສິງຫາ ແລະ ແກ້ໄຂຫຼາຍບັນຫາ, ໃນນັ້ນມີເລື່ອງຕຳຫຼວດເຂັນຂ້າຜິວສີ, ສະພາບຂາດຄວາມສະເໝີພາບໃນການສຳຜັດກັບການສຶກສາ, ເຮືອນຢູ່ ແລະ ສະພາບແວດລ້ອມທີ່ປອດໂປ່ງ.

        ອາເມລິກາ ຈັດສົ່ງຄະນະຜູ້ແທນລວມມີສະມາຊິກ 23 ຄົນເຂົ້າຮ່ວມວາລະອະພິປາຍຢູ ເຊີແນວ ແລະ ຕອບຄຳຖາມຂອງບັນດາສະມາຊິກ CERD, ເຊິ່ງແມ່ນຜູ້ທີ່ຈະຍົກອອກຂໍ້ສະຫຼຸບຂອງເຂົາເຈົ້າໃນວັນທີ 30 ສິງຫາ ຈະມາເຖິງ. ໃນຖະແຫຼງການ, ອຳນາດການປົກຄອງຂອງປະທານາທິບໍດີ Joe Biden ເນັ້ນໜັກວ່າ ເຂົາເຈົ້າໃຫ້ຄຳໝັ້ນສັນຍາແກ້ໄຂບັນດາສິ່ງທ້າທາຍຈາກສະພາບຈຳແນກເຊື້ອຊາດຜິວພັນຢ່າງເປັນລະບົບທັງຢູ່ພາຍໃນ ແລະ ຕ່າງປະເທດ.