ເຂດຕັ້ງຖິ່ນຖານຄົງທີ່Givat Zeev ຂອງ ອິດສະຣາແອັນ ຢູ່ ຝັ່ງຕາເວັນຕົກ ວັນທີ 25/9/2019.  (ພາບເອກະສານ: AFP/TTXVN)

 ໃນຖະແຫຼງການທີ່ໄດ້ຍົກອອກມາໃນວັນທີ 18 ພະຈິກ, ທ່ານລັດຖະມົນຕີການຕ່າງປະເທດ ອາເມລິກາ Mike Pompeo ຢັ້ງຢືນວ່າ ອາເມລິກາ ສະໜັບສະໜູນສິດຂອງ ອິດສະຣາແອັນໃນການກໍ່ສ້າງບັນດາເຂດຕັ້້ງຖິ່ນຖານຄົງທີ່ຂອງຊາວຢິວ ຢູ່ເຂດຝັ່ງຕາເວັນຕົກ ທີ່ຖືກຢຶດຄອງ, ໂດຍໃຫ້ຮູ້ວ່າ ຕາມອໍານາດການປົກຄອງ ອາມລິກາ ແລ້ວ “ເລື່ອງກໍ່ສ້າງບັນດາເຂດຕັ້ງຖິ່ນຖານພົນລະເຮືອນຂອງ ອິດສະຣາແອັນ ຢູ່ຝັ່ງຕາເວັນຕົກ, ຄວາມຈິງແລ້ວ ບໍ່ແມ່ນບໍ່ສອດຄ່ອງກັບກົດໝາຍສາກົນ”. ຖະແຫຼງການດັ່ງກ່າວ ໄດ້ສ້າງຂີດໝາຍແກ່ການຕ່າວປິ້ນນະໂຍບາຍຂອງ ອາເມລິກາ ເມື່ອປະຕິເສດນິຕິກໍາຂອງ ກະຊວງການຕ່າງປະເທດທີ່ປະກາດໃຊ້ແຕ່ປີ 1978 ວ່າ ບັນດາເຂດຕັ້ງຖິ່ນຖານຄົງທີ່ “ບໍ່ສອດຄ່ອງກັບກົດໝາຍສາກົນ”.

        ຕໍ່ໜ້າຖະແຫຼງການດັ່ງກ່າວຂອງອໍານາດການປົກຄອງ ອາມເລິກາ, ໃນວັນດຽວກັນ, ທ່ານນາຍົກລັດຖະມົນຕີ ອິດສະຣາແອັນ Benkajamin Netanyahu ຖືວ່າ ການປ່ຽນແປງນະໂຍບາຍຂອງ ອາເມລິກາ ແມ່ນການກະທໍາແກ້ໄຂຂໍ້ຜິດພາດໃນອະດີດຕະການ.

        ໃນຂະນະນັ້ນ, ທ່ານ Nabil Abu Rudaineh ໂຄສົກຂອງທ່ານປະທານາທິບໍດີ ປະແລັດສະຕິນ Mahmoud Abbas  ໄດ້ກ່າວປະນາມການກະທໍາຂອງ ອາເມລິກາວ່າ ແມ່ນ “ໄປຝືນກັບກົດໝາຍສາກົນຢ່າງສິ້ນເຊິງ” ແລະ ອາເມລິກາ ໄດ້ເສຍອິດທິຜົນຊື່ສຽງ ແລະ ບໍ່ສາມາດສວມບໍ່ວ່າບົດບາດໃດໆໃນວິວັດການສ້າງສັນຕິພາບຢູ່ພາກພື້ນຕາເວັນອອກກາງ.

        ຕາມມະຕິບາງສະບັບຂອງສະພາຄວາມໝັ້ນຄົງ ສປຊ ແລ້ວ, ບັນດາເຂດຕັ້ງຖ່ິ່ນຖານຄົງທີ່ ຂອງ ຊາວຢິວ ໄດ້ຮັບຖືວ່າແມ່ນການກະທໍາລະເມີດກົດໝາຍສາກົນ, ເມື່ອມັນລະເມີດສົນທິສັນຍາ ເຊີແນວ ສະບັບທີ 4 ກ່ຽວກັບການເກືອດຫ້າມບັນດາປະເທດຢຶດຄອງ ນໍາປະຊາຊົນຂອງຕົນເຂົ້າເຂດທີ່ຕົນຢຶດຄອງ.