ຕາມນັ້ນແລ້ວ, ອໍານາດການປົກຄອງຂອງທ່ານປະທານາທິບໍດີ ອາເມລິກາ Donald Trump ໄດ້ເລີ່ມຈັດວາງອັດຕາພາສີ 15% ສໍາລັບບັນດາປະເພດສິນຄ້ານໍາເຂົ້າຈາກ ຈີນ ທີ່່ມີມູນຄ່າ 125 ຕື້ USD, ລວມມີ ລໍາພົງອັດສະລິຍະ, ສາຍຟັງຫູ Bluetooth ແລະ ເກີບຫຼາຍຊະນິດ.  ສ່ວນຝ່າຍ ຈີນ, ປັກກິ່ງ ໄດ້ເລີ່ມຈັດວາງອັດຕາພາສີເພີ່ມເຕີມ 5% ແລະ 10% ສໍາລັບສິນຄ້າຂອງ ອາເມລິກາ  1.717 ປະເພດ. ຈີນ ກໍຈັດວາງອັດຕາພາສີ 5% ສໍາລັບນໍ້າມັນດິບຂອງ ອາເມລິກາ. ນີ້ເປັນຄັ້ງທໍາອິດນໍ້າມັນດິບຂອງ ອາເມລິກາ ກາຍເປັນເປົ້າໝາຍຖືກຈັດວາງອັດຕາພາສີ ນັບແຕ່ເມື່ອສອງພື້ນຖານເສດຖະກິດໃຫຍ່ທີ່ສຸດໃນໂລກ ເລີ່ມເກີດການໂຕ້ຖຽງກັນດ້ານການຄ້າ ໃນຕະຫຼອດໄລຍະກວ່າ 1 ປີຜ່ານມາ.